ഭക്ഷണപ്രേമികളുടെ പ്രിയപ്പെട്ട വിഭവമാണ് ബിരിയാണി. നല്ല ബിരിയാണി തേടി എത്ര ദൂരം വരെ പോകാനും ഭക്ഷണപ്രിയര്‍ തയ്യാറാകാറുണ്ട്.അതുപോലെ ബിരിയാണി ഇഷ്ടപ്പെടുന്നവര്‍ കൂടുതലായും പറഞ്ഞു കേള്‍ക്കുന്ന പേരാണ് കോഴിക്കോട് പാരഗണിലെ ബിരിയാണി.കോഴിക്കോടെത്തിയാല്‍ പാരഗണിലെ ബിരിയാണി ‘മസ്റ്റ് ട്രൈ’ ആണെന്ന് പറയുന്നവരും കുറവല്ല. ഇപ്പോഴിതാ ലോകത്തെ ഏറ്റവും മികച്ച രുചിപ്പട്ടികയില്‍ ഇടംനേടിയിരിക്കുകയാണ് കോഴിക്കോട് പാരഗണും അവിടുത്തെ ബിരിയാണിയും.ലോകത്തെ 150 ഐതിഹാസിക റസ്റ്റോറന്റുകളുടെ പട്ടികയിലാണ് പാരഗണ്‍ ഇടം നേടിയിരിക്കുന്നത്. ട്രാവല്‍ ഓണ്‍ലൈന്‍ ഗൈഡായ ടേസ്റ്റ് അറ്റ്‌ലസാണ് പട്ടിക പുറത്ത് വിട്ടിരിക്കുന്നത്. പാരഗണിനും അവിടുത്തെ ബിരിയാണിക്കും പട്ടികയില്‍ പതിനൊന്നാം സ്ഥാനമാണുള്ളത്.കോഴിക്കോട്ടെ പാരഗണ്‍ അടക്കം ഏഴ് ഇന്ത്യന്‍ റസ്റ്റോറന്റുകള്‍ പട്ടികയില്‍ ഇടംനേടിയിട്ടുണ്ട്. ഇതില്‍ ഒന്നാംസ്ഥാനത്താണ് പാരഗണ്‍. ജീവിതത്തില്‍ ഒരിക്കലെങ്കിലും പട്ടികയിലുള്‍പ്പെട്ട റസ്റ്റോറന്‍റുകളില്‍ നിന്ന് ഭക്ഷണം കഴിക്കണമെന്ന കുറിപ്പോടെയാണ് ടേസ്റ്റ് അറ്റ്‌ലസ് പട്ടിക പങ്കുവെച്ചിരിക്കുന്നത്.
പാരഗണിന് തൊട്ടുപിന്നാലെ പന്ത്രണ്ടാം സ്ഥാനത്ത് ലക്‌നൗവിലെ തുന്‍ഡേ കബാബിയാണ് ഇടം പിടിച്ചിരിക്കുന്നത്.പതിനേഴാം സ്ഥാനത്ത് കൊല്‍ക്കത്തയിലെ പീറ്റര്‍ കാറ്റും മുപ്പത്തിയൊമ്പതാം സ്ഥാനത്ത് ബംഗളൂരുവിലെ മവാലി ടിഫിന്‍ റൂംസും എണ്‍പത്തിയേഴാം സ്ഥാനത്ത് ഡല്‍ഹിയിലെ കരിംസും നൂറ്റിപന്ത്രണ്ടാം സ്ഥാനത്ത് മുംബൈയിലെ രാം അശ്രായുമാണ് പട്ടികയില്‍ ഇടംനേടിയ ഇന്ത്യയില്‍ നിന്നുള്ള മറ്റു റസ്റ്റോറന്റുകള്‍.
english summary;Kozhikode Paragon featured in world’s best tasting list; First in India
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.