കഞ്ഞിക്കുഴി ബ്ലോക്ക് പഞ്ചായത്ത് 38 സ്കൂളുകളിൽ പച്ചക്കറി കൃഷി ആരംഭിക്കുന്നു. ബ്ലോക്ക് പഞ്ചായത്തും, മഹിളാ കിസാൻ ശാക്തീകരൻ പരിയോജന (എംകെഎസ്പി) ചേർന്നാണ് പദ്ധതി നടപ്പിലാക്കുന്നത്. സ്കൂളുകളിൽ കൃഷി ചെയ്യുന്നതിന് ആവശ്യമായ മൺചട്ടികളും, തൈകളും വളവും നൽകും. ഓരോ സ്കൂളിലും 10 വീട്ടമ്മമാർക്ക് പരിശീലനം നൽകും. നെൽവിത്ത്, പച്ചക്കറി വിത്തുകൾ പാകി മുളപ്പിച്ച കൃഷി ചെയ്യുന്നതിന് ആവശ്യമായ പരിശീലനമാണ് നൽകുന്നത്. വിദ്യാർത്ഥികളും അധ്യാപകരും രക്ഷകർത്താ സമിതികളും ചേർന്നാണ് കൃഷി ചെയ്യുന്നത്. സ്കൂളിലെ ഉച്ചഭക്ഷണത്തിനായി ഉൽപ്പന്നങ്ങൾ ഉപയോഗിക്കാനാകും.
പദ്ധതിയുടെ ഉദ്ഘാടനം ആഗസ്റ്റ് ആദ്യവാരം മന്ത്രി, എംപി, എംഎല്എ, ജനപ്രതിനിധികൾ അടക്കമുള്ളവർ പങ്കെടുത്ത് നടക്കും. സ്കൂൾ ഹെഡ്മാസ്റ്റർമാരും, ജനപ്രതിനിധികളും പങ്കെടുത്ത യോഗത്തിൽ ബ്ലോക്ക് പ്രസിഡന്റ് വി ജി മോഹനൻ അധ്യക്ഷനായിരുന്നു. എംകെഎസ്എഫ് ചീഫ് എക്സിക്യൂട്ടീവ് കോ-ഓര്ഡിനേറ്റർ ആർ വേണുഗോപാൽ ഉദ്ഘാടനം ചെയ്തു. എഇഒ ബാബു, ബ്ലോക്ക് വൈസ് പ്രസിഡന്റ് ബി ജി അനിൽകുമാർ, സ്ഥിരം സമിതി അധ്യക്ഷൻ മാരായ സുധാ സുരേഷ്, അനിത തിലകൻ, സജി, അനിൽ വെമ്പള്ളി, എന്നിവർ സംസാരിച്ചു. ബിഡിഒ, സി വി സുനിൽ, സ്വാഗതവും അഭിലാഷ് നന്ദിയും പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.