റെയില്വേ പാളത്തില് കല്ലും ക്ലോസറ്റിന്റെ പൊട്ടിയ കഷ്ണങ്ങളും വച്ചനിലയില്. കണ്ണൂര് ഭാഗത്തുനിന്ന് കാസര്കോട് ഭാഗത്തേക്ക് വരുന്ന പാളത്തില് ചെമ്പരിക്ക തുരങ്കത്തിനടുത്ത് ഇന്ന് ഉച്ചയ്ക്ക് 12.30ഓടെയാണ് ഇവ കണ്ടെത്തിയത്. കോയമ്പത്തൂര്— മംഗളൂരു ഇന്റര്സിറ്റി എക്സ്പ്രസ് ട്രെയിനിലെ ലോക്കോ പൈലറ്റാണ് പാളത്തില് തടസമുള്ളതായി ആദ്യം കണ്ടത്.
ട്രെയിന് പോകുന്നതിനിടെ എന്തോ തട്ടിയതായി ശ്രദ്ധയില്പ്പെടുകയായിരുന്നു. തുടര്ന്ന് കാസര്കോട് റെയില്വേ സ്റ്റേഷന് മാസ്റ്ററെ അറിയിച്ചതിനെ തുടര്ന്ന് ആര്പിഎഫും റെയില് പൊലീസും ലോക്കല് പൊലീസും സ്ഥലത്തെത്തി. തുടര്ന്ന് നടത്തിയ പരിശോധനയിലാണ് പൊട്ടിയ ക്ലോസറ്റിന്റെ ഭാഗങ്ങളും ചെങ്കല്ലും കണ്ടെത്തിയത്. ക്ലോസറ്റിന്റെ ഒരു ഭാഗം സമീപത്തെ വീട്ടില് നിന്ന് കണ്ടെത്തിയിട്ടുണ്ട്.
അട്ടിമറി നീക്കമാണെന്ന സംശയത്തില് സമീപത്തെ സിസിടിവി കാമറ പൊലീസ് പരിശോധിക്കുന്നുണ്ട്. കണ്ണൂരിനും കാസര്കോടിനും ഇടയില് പലയിടത്തും ട്രെയിനുകള്ക്ക് നേരെയുള്ള കല്ലേറ് പതിവാകുന്നതിനിടെയാണ് ഇത്തരത്തിലുള്ള സംഭവവും ഉണ്ടായിരിക്കുന്നത്.
English Sammury: cement block and piece of closet found in middle of railway track
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.