സ്വത്തവകാശത്തിൽ സുപ്രധാന വിധിയുമായി സുപ്രീം കോടതി. നിയമസാധുതയില്ലാത്ത വിവാഹ ബന്ധത്തില് ജനിക്കുന്ന കുട്ടികള്ക്കും മാതാപിതാക്കളുടെ സ്വത്തിൽ അവകാശമുണ്ടെന്ന് സുപ്രീം കോടതി.
നിലവിലെ വിവാഹത്തിലുള്ള കുട്ടികൾക്ക് പൂർവിക സ്വത്തിലുള്ള അവകാശം പോലെ തന്നെ മുൻ വിവാഹത്തിലെ കുട്ടികൾക്കും അവകാശം ഉണ്ടെന്നും ഒരു വിഹിതം അവർക്ക് നൽകണമെന്നും കോടതി വ്യക്തമാക്കി. ഹിന്ദു പിന്തുടർച്ചാവകാശ നിയമം ചൂണ്ടിക്കാട്ടി ചീഫ് ജസ്റ്റിസ് ഡി വൈ ചന്ദ്രചൂഡ് അടങ്ങുന്ന ബെഞ്ചാണ് സുപ്രധാന വിധി പുറപ്പെടുവിച്ചത്.
മാതാപിതാക്കളുടെ സ്വത്തില് മാത്രമാകും കുട്ടികള്ക്ക് ഇത്തരത്തില് അവകാശമുണ്ടാവുക. ഹിന്ദു കൂട്ടുകുടുംബ വ്യവസ്ഥിതിയില് മരിച്ചുപോയ മാതാപിതാക്കളുടെ ഓഹരിക്ക് മക്കള്ക്ക് അര്ഹതയുണ്ടെന്നും ബെഞ്ച് ഉത്തരവിട്ടു. മാതാപിതാക്കളുമായി ഓഹരി തുല്യത പങ്കിടുന്ന മറ്റു ബന്ധുക്കളുടെ സ്വത്തിന് ഇവര്ക്ക് അര്ഹതയുണ്ടാകില്ല. ഹിന്ദു നിയമത്തില് ഉള്പ്പെടുന്ന കൂട്ടുകുടുംബ സ്വത്തുക്കൾക്ക് മാത്രമേ ഈ വിധി ബാധകമാകൂ എന്നും കോടതി വ്യക്തമാക്കി. വേർപ്പെടുത്തിയ വിവാഹ ബന്ധങ്ങളിൽ ജനിച്ച കുട്ടികൾക്കും അവരുടെ അനന്തരാവകാശം ലഭിക്കാൻ അവകാശമുണ്ടെന്ന് വിധിച്ച രേവണ സിദ്ധപ്പ , മല്ലികാർജുൻ (2011) കേസിലെ രണ്ടംഗ ബെഞ്ച് വിധിയെ ചോദ്യം ചെയ്തുള്ള ഹര്ജി പരിഗണിക്കുകയായിരുന്നു കോടതി.
English Summary: Illegal marriage: Supreme Court says children have right to property
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.