സംരക്ഷണവേലി സ്ഥാപിക്കാത്ത ട്രാന്‍സ്‌ഫോര്‍മറിന്റെ മുകളില്‍ പൂച്ച ചത്തനിലയില്‍. നെടുങ്കണ്ടം ചക്കക്കാനത്ത് ആലുവമധുര സംസ്ഥാനപാതയോരത്താണ് സംരക്ഷണവേലി ഇല്ലാതെ ട്രാന്‍സ്‌ഫോര്‍മര്‍ വര്‍ഷങ്ങളായി നില്‍ക്കുന്നത്. ഇന്ന് ഉച്ചയോടെയാണ് പൂച്ച ചത്തുകിടക്കുന്നത് നാട്ടുകാരുടെ ശ്രദ്ധയില്‍പെടുന്നത്.
നാട്ടുകാര്‍ക്ക് ഭയമായതിനാല്‍ ചത്ത പൂച്ചയെ എടുത്ത് മാറ്റണമെന്ന് പ്രദേശവാസികള്‍ കെഎസ്ഇബിയെ അറിയിച്ചു. ട്രാന്‍സ്‌ഫോര്‍മറില്‍ പൂച്ച ചത്തതോടെ നാട്ടുകാര്‍ ആശങ്കയിലായി. സ്‌കൂള്‍ വിദ്യാര്‍ത്ഥികള്‍ അടക്കം നിരവധി ആളുകള്‍ കടന്ന് പോകുന്നത് ഈ ട്രാന്‍സ്‌ഫോര്‍മറിന്റെ മുമ്പിലൂടെയാണ്. ട്രാന്‍സ്‌ഫോര്‍മറിന്റെ ചുവട്ടില്‍ വളര്‍ന്ന് നില്‍ക്കുന്ന പുല്ലുകള്‍ കത്തി കരിഞ്ഞ വിവരം നാട്ടുകാര്‍ വൈദ്യുതി ബോര്‍ഡിനെ അറിയിച്ചിരുന്നു. എന്നാല്‍ ഏറെ നാളായിട്ടും നടപടിയുണ്ടായില്ല. സംരക്ഷണ ഭിത്തി നിര്‍മ്മിക്കുവാന്‍ മടിക്കുന്ന നെടുങ്കണ്ടം കെഎസ്ഇബി ബോര്‍ഡിനെതിരെ ഉന്നതതല വകുപ്പ് അധികൃതര്‍ക്ക് പരാതി നല്‍കുവാന്‍ ഒരുങ്ങുകയാണ് നാട്ടുകാര്‍.
English Summary: Cat dead in unshielded transformer
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.