പലിശ നിരക്കിൽ ഇത്തവണയും മാറ്റം വരുത്താതെ റിസർവ് ബാങ്ക്. നിരക്ക് 6.50 ശതമാനമായി ആയി തുടരുമെന്ന് പണനയ സമിതിയുടെ യോഗത്തിന് ശേഷം ആർബിഐ ഗവർണർ ശക്തികാന്ത ദാസ് അറിയിച്ചു. ആർബിഐ മറ്റ് ബാങ്കുകൾക്ക് നൽകുന്ന വായ്പയുടെ പലിശയാണ് റിപ്പോ നിരക്ക്. മറ്റു നിരക്കുകളിലും മാറ്റമില്ല. ഇത് നാലാം തവണയാണ് ആർബിഐയിൽ നിരക്കുകള് മാറ്റമില്ലാതെ തുടരുന്നത്. ജിഡിപി വളർച്ച സംബന്ധിച്ച നിഗമനത്തിലും പണപ്പെരുപ്പ പ്രവചനത്തിലും മാറ്റം വരുത്തിയിട്ടില്ല.
പണപ്പെരുപ്പം അടക്കമുള്ള കാര്യങ്ങൾ വിശദമായി വിലയിരുത്തിയ ശേഷമാണ് റിപ്പോ നിരക്ക് നിലനിർത്താൻ യോഗം തീരുമാനിച്ചതെന്ന് ഗവർണർ പറഞ്ഞു. പണലഭ്യത നിയന്ത്രിക്കുന്നതിന്റെ ഭാഗമായി ഉയര്ത്തിയ സ്റ്റാന്ഡിങ് ഡെപ്പോസിറ്റ് ഫെസിലിറ്റി (എസ്ഡിഎഫ്), മാര്ജിനല് സ്റ്റാന്ഡിങ് ഫെസിലിറ്റി (എംഎസ്എഫ്) എന്നിവയും യഥാക്രമം 6.25 ശതമാനത്തിലും 6.75 ശതമാനത്തിലും തുടരും. അര്ബന് കോ-ഓപ്പറേറ്റീവ് ബാങ്കുകള് ലഭ്യമാക്കുന്ന ബുള്ളറ്റ് റീപേയ്മെന്റ് സ്വര്ണ വായ്പാ പദ്ധതിയുടെ പരിധി നാല് ലക്ഷമാക്കി ഉയര്ത്തി. നിലവില് രണ്ട് ലക്ഷമാണ് വായ്പാ പരിധി.
English Summary: Reserve Bank without changing interest rates; The repo rate will remain at 6.5 percent
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.