സംസ്ഥാനത്ത് അടുത്ത മുന്ന് ദിവസം ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു. ഇന്ന് കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് യെല്ലോ അലര്ട്ട്.
ഞായറാഴ്ച കൊല്ലം, പത്തനംതിട്ട, എറണാകുളം, ഇടുക്കി ജില്ലകളിലും തിങ്കളാഴ്ച പത്തനംതിട്ട, കോട്ടയം, ഇടുക്കി ജില്ലകളിലുമാണ് യെല്ലോ അലര്ട്ട്. മിദ്ഹിലി ചുഴലിക്കാറ്റ് വടക്കു-വടക്കു കിഴക്ക് ദിശയില് സഞ്ചരിച്ചു ഇന്നലെ ബംഗ്ലാദേശ് തീരത്തു ഖേപ്പുപാറയില് പ്രവേശിച്ചു. നിലവില് ചുഴലിക്കാറ്റിന്റെ ശക്തി കുറഞ്ഞു തീവ്രന്യൂനമര്ദ്ദമായി ത്രിപുരക്കും മിസോറാമിനും മുകളില് ആയി സ്ഥിതി ചെയ്യുന്നു. അടുത്ത 6 മണിക്കൂറില് വടക്കു കിഴക്കു ദിശയില് സഞ്ചരിച്ചു ശക്തി കൂടിയ ന്യൂനമര്ദമായി ദുര്ബലമാകാനാണ് സാധ്യത. ചക്രവാതചുഴി തെക്കു പടിഞ്ഞാറന് ബംഗാള് ഉള്ക്കടലില് ശ്രീലങ്കക്ക് മുകളിലാണ് സ്ഥിതി ചെയ്യുന്നത്.
English Summary: Heavy rains in the state for the next three days; Yellow alert in six districts
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.