ടെസ്റ്റ് കരിയറിലെ അവസാന മത്സരത്തിന് ഇന്നിറങ്ങുന്ന ഡേവിഡ് വാര്ണര് അഭ്യര്ത്ഥനയുമായി സമൂഹമാധ്യമത്തിലെത്തി. മെല്ബണില് നിന്ന് സിഡ്നിയിലേക്കുള്ള യാത്രാമധ്യേ വാര്ണറിന്റെ ബാഗി ഗ്രീൻ തൊപ്പി മോഷണം പോയി. കണ്ടെത്താനുള്ള ശ്രമത്തിന് ഫലമുണ്ടായതുമില്ല. പാകിസ്ഥാനെതിരായ മൂന്നാം ടെസ്റ്റിന് തൊട്ടുമുമ്പ് ഈ തൊപ്പി തിരിച്ചുവേണമെന്ന അഭ്യര്ത്ഥനയുമായി ഇന്സ്റ്റഗ്രാമിലാണ് വാര്ണറെത്തിയത്.
ഈ ബാക്ക്പാക്കിനുള്ളില് എന്റെ തൊപ്പി ഉണ്ടായിരുന്നു. എനിക്കേറെ വിലപ്പെട്ടതാണത്. വിരമിക്കാനൊരുങ്ങുന്നെ എനിക്ക് തൊപ്പി തിരിച്ചുകിട്ടണമെന്ന് ഞാന് ആഗ്രഹിക്കുന്നു. ബാഗാണ് നിങ്ങള് എടുക്കാന് ആഗ്രഹിച്ചതെങ്കില് അത് ഞാന് തരാം. തൊപ്പി തിരിച്ചെത്തിച്ചാലും നിങ്ങള്ക്ക് ഒന്നും സംഭവിക്കില്ല. എന്നെയോ, ക്രിക്കറ്റ് ഓസ്ട്രേലിയയിലോ ബന്ധപ്പെടുക- ഇന്സ്റ്റഗ്രാമില് പങ്കുവച്ച വീഡിയോയില് വാര്ണര് പറഞ്ഞു. ഇന്ന് നടക്കുന്ന പാകിസ്ഥാനെതിരെയ മത്സരമാണ് വാര്ണറുടെ കരിയറിലെ അവസാന ടെസ്റ്റ് മത്സരം. കഴിഞ്ഞ ദിവസം ഏകദിന ക്രിക്കറ്റില് നിന്നും വിരമിക്കുന്നതായി താരം പ്രഖ്യാപിച്ചിരുന്നു. ഇനി ടി20യില് മാത്രമാണ് വാര്ണര് തുടരുക.
English Summary;Those who get the baggy green hat should inform; David Warner with request
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.