യാത്രക്കാർ നിരത്തിരുന്ന് ഭക്ഷണം കഴിക്കുന്നതിന്റെ വീഡിയോ സോഷ്യൽ മീഡിയയിൽ വൈറലായതിനെ തുടർന്ന് ഇൻഡിഗോ എയര്ലൈന്സിനും മുംബൈ വിമാനത്താവളത്തിനും കാരണം കാണിക്കൽ നോട്ടീസ് അയച്ച് വ്യോമയാന മന്ത്രാലയം.വിഷയത്തിൽ ഉടൻ വിശദീകരണം നൽകാനാണ് മന്ത്രാലയം ആവശ്യപ്പെട്ടിരിക്കുന്നത്.
നിശ്ചിത സമയത്ത് മറുപടി ലഭിച്ചില്ലെങ്കിൽ സാമ്പത്തിക പിഴ ഉൾപ്പെടെയുള്ള നടപടികൾ സ്വീകരിക്കുമെന്നും മന്ത്രാലയം മുന്നറിയിപ്പ് നൽകി.
ഇന്നലെ അർധരാത്രി സിവിൽ ഏവിയേഷൻ മന്ത്രി ജ്യോതിരാദിത്യ സിന്ധ്യ എല്ലാ മന്ത്രാലയ ഉദ്യോഗസ്ഥരുമായും നടത്തിയ ചർച്ചയെ തുടർന്നാണ് ഇന്ന് രാവിലെ കാരണം കാണിക്കൽ നോട്ടീസ് നൽകിയത്. “സാഹചര്യം മുൻകൂട്ടി കാണുന്നതിനും വിമാനത്താവളത്തിൽ യാത്രക്കാർക്ക് ഉചിതമായ സൗകര്യങ്ങൾ ഒരുക്കുന്നതിനും മുൻകൈയെടുക്കാത്തതിന് അധികൃതര്ക്കെതിരെ നടപടിയെടുക്കുമെന്നും മന്ത്രാലയം മുന്നറിയിപ്പ് നല്കി.
യാത്രക്കാരുടെ സൗകര്യവും സുരക്ഷാ മാനദണ്ഡങ്ങളും കണക്കിലെടുക്കാതെയാണ് ഫ്ലൈറ്റ് ഓപ്പറേഷൻ നടന്നതെന്ന് മന്ത്രാലയം കൂട്ടിച്ചേർത്തു.
ഗോവ‑ഡൽഹി വിമാനം മഹാരാഷ്ട്ര തലസ്ഥാനത്തേക്ക് തിരിച്ചുവിട്ടതിന് ശേഷം മുംബൈ വിമാനത്താവളത്തിന്റെ റൺവേയിൽ യാത്രക്കാർ അത്താഴം കഴിക്കുന്ന വീഡിയോ സമൂഹമാധ്യമത്തില് വൈറലായിട്ടുണ്ട്. ഞായറാഴ്ച വിമാനം മുംബൈയിലേക്ക് വഴിതിരിച്ചുവിടുന്നതിന് മുമ്പ് ഏകദേശം 18 മണിക്കൂർ വൈകിയതായി യാത്രക്കാര് പറയുന്നു.
English Summary: Passengers eating on runway: Ministry of Civil Aviation issues notice to Mumbai airport
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.