രാജസ്ഥാനില് പട്ടം കഴുത്തില് കുരുങ്ങി 12കാരന് ദാരുണാന്ത്യം. ചില്ല് ആവരണമുള്ള ചൈനീസ് പട്ടത്തിന്റെ ചരട് കഴുത്തില് കുരുങ്ങിയാണ് 12കാരൻ മരിച്ചത്. സമീപ പ്രദേശങ്ങളിലുള്ള അഞ്ചുപേര്ക്ക് കൂടി സമാന രീതിയിലുള്ള അപകടത്തില് പരിക്കേല്ക്കുകയും ചെയ്തു. രാജസ്ഥാനില് കോട്ട ജില്ലയില് തിങ്കളാഴ്ച വൈകീട്ടാണ് സംഭവം ഉണ്ടായത്.
മകര സംക്രാന്തിയോടനുബന്ധിച്ച് പട്ടം പറത്തിയപ്പോഴാണ് അപകടമുണ്ടായത്. അപകടത്തിൽ അഞ്ചാം ക്ലാസുകാരനായ സുരേന്ദ്ര ഭീല് ആണ് മരിച്ചത്. കൂട്ടുകാര്ക്കൊപ്പം വീടിന് മുകളില് നിന്ന് പട്ടം പറത്തുമ്പോഴാണ് അപകടം. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പ്രദേശത്ത് മകര സംക്രാന്തിക്ക് മുന്പ് ചൈനീസ് പട്ടങ്ങള് പറത്തുന്നതിന് വിലക്കുണ്ടായിരുന്നു. ഇത് ലംഘിച്ചാണ് പട്ടം പറത്തിയത്. സമാനമായ സംഭവത്തില് 60കാരന് അടക്കം അഞ്ചുപേര്ക്കാണ് പരിക്കേറ്റത്.
English Summary;The kite was tied around his neck; A 12-year-old met a tragic end
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.