മതബദ്ധമായ രാഷ്ട്രത്തിന് വികസിക്കാന് കഴിയില്ലെന്നും അത്തരമൊരു രാഷട്രം അതിവേഗം ഛിന്നഭിന്നമാകുമെന്നും മന്ത്രി കെ രാജന്. രാജ്യത്തിന്റെ എഴുപത്തി അഞ്ചമത് റിപ്പബ്ളിക് ദിനാഘോഷങ്ങളുടെ ഭാഗമായി എറണാകുളം ജില്ലയിലെ പരേഡ് സ്വീകരിച്ച് സംസാരിക്കുകയായിരുന്നു അദ്ദേഹം. കാക്കനാട് സിവില് സ്റ്റേഷന് പാരേഡ് ഗ്രൗണ്ടിലാണ് പരേഡ് നടന്നത്. റിപ്പബ്ലിക് ദിന പരേഡില് 25 പ്ലറ്റൂണുകളിലായി ആയിരത്തോളം പേര് അണിനിരന്നു.
രണ്ട് ബാന്ഡ് സംഘങ്ങളാണ് ഇത്തവണ പരേഡില് അണിനിരന്നത്. ഇന്ത്യയെ മതരാഷ്ട്രമാക്കാനുള്ള നീക്കങ്ങൾ ജനാധിപത്യ ബോധമുള്ള മനുഷ്യർ അംഗീകരിക്കില്ലെന്നും മന്ത്രി പറഞ്ഞു.ജനങ്ങൾക്ക് തങ്ങളുടെ വിശ്വാസങ്ങളും ആചാരങ്ങളും മുറുകെപ്പിടിച്ചുകൊണ്ട് സ്വാതന്ത്ര്യത്തോടെ ജീവിക്കാൻ കഴിയുന്ന ഭരണഘടനയാണ് ഇന്ത്യയുടേത്.
മതനിരപേക്ഷ ഇന്ത്യ ഉയർത്തിപ്പിടിച്ച മുദ്രാവാക്യം തന്നെ അതാണ്. മതബദ്ധമായ രാഷ്ട്രം ഛിന്നഭിന്നമാകുമെന്ന് ഡോ ബി ആർ അംബേദ്കർ അടക്കമുള്ള 389 അംഗങ്ങൾ ആഗ്രഹിച്ചിരുന്നു. അങ്ങനെ ഒരു ദുരന്തം വിദൂരഭാവിയിൽ പോലും സംഭവിക്കരുതെന്നായിരുന്നു അവരുടെ നിർബന്ധം.
English Summary:
Minister K Rajan said that a religious nation cannot develop
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.