നമീബിയയുടെ പ്രസിഡന്റ് ഹാഗെ ഗെയ്‌ഗോബ് (82) അന്തരിച്ചു. അർബുദരോഗ ദിനമായ ഞായറാഴ്ച പുലര്‍ച്ചെയായിരുന്നു അർബുദരോഗം ബാധിച്ചായിരുന്നു അന്ത്യം. ഏതാനും ആഴ്ചകള്‍ക്ക് മുമ്പാണ് അദ്ദേഹത്തിന് അർബുദം സ്ഥിരീകരിച്ചത്. 2015 മുതല്‍ ഗെയ്‌ഗോബ് നമീബിയയുടെ പ്രസിഡന്റാണ്. നേരത്തേ പ്രോസ്‌റ്റേറ്റ് ക്യാന്‍സറിനെ അതിജീവിച്ച വ്യക്തിയായിരുന്നു അദ്ദേഹം. വൈസ് പ്രസിഡന്റ് നംഗോളോ എംബുംബയാണ് ഔദ്യോഗിക എക്‌സ് ഹാന്‍ഡിലിലൂടെ മരണവാര്‍ത്ത പുറത്തുവിട്ടത്. ഈ വര്‍ഷം അവസാനം നടക്കുന്ന തെരഞ്ഞെടുപ്പുവരെ എംബുംബ പ്രസിഡന്റായി തുടരും. 1941‑ലാണ് ഹാഗെ ഗെയ്‌ഗോബ് ജനിച്ചത്. 1990‑ല്‍ രാജ്യം സ്വതന്ത്ര്യം നേടിയതുമുതല്‍ നമീബിയ ഭരിക്കുന്ന ശക്തനായ രാഷ്ട്രീയ നേതാവാണ് അദ്ദേഹം. നമീബിയയുടെ ഭരണഘടന രൂപീകരിച്ച സമിതിയുടെ അധ്യക്ഷനായിരുന്നു. ഇതിനുശേഷം അദ്ദേഹം നമീബിയയുടെ ആദ്യ പ്രധാനമന്ത്രിയായി. 2002 വരെ അദ്ദേഹം പദവിയില്‍ തുടര്‍ന്നു.
English Summary:Namibian President Hage Geigob has passed away
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.