സിപിഐ നാളിതുവരെ ആരില് നിന്നും ഇലക്ടറല് ബോണ്ട് സ്വീകരിച്ചിട്ടില്ലെന്നും ബിജെപി സര്ക്കാര് പദ്ധതി കൊണ്ടുവന്നതു മുതല് ശക്തമായി എതിര്ത്തുവരികയാണെന്നും കേന്ദ്ര സെക്രട്ടേറിയറ്റ്. ദുര്ഗ്രഹവും സുതാര്യമല്ലാത്തതുമായ ഇലക്ടറൽ ബോണ്ട് പദ്ധതിയെ എതിര്ക്കുന്നതുകാരണം ആരിൽ നിന്നും ഒരു ഇലക്ടറൽ ബോണ്ടും സ്വീകരിച്ചിട്ടില്ല. 2023 നവംബർ നാലിന് കേന്ദ്ര തെരഞ്ഞെടുപ്പ് കമ്മിഷന്റെ തെരഞ്ഞെടുപ്പ് ചെലവുകള് സംബന്ധിച്ച വിഭാഗത്തെ ഇക്കാര്യം അറിയിച്ചിരുന്നു.
ഇലക്ടറല് ബോണ്ട് ഭരണഘടനാ വിരുദ്ധമാണെന്ന് സുപ്രീം കോടതി പ്രഖ്യാപിച്ചിരിക്കുന്നു. സ്വതന്ത്രവും നീതിയുക്തവുമായ തെരഞ്ഞെടുപ്പിന്, എല്ലാ രാഷ്ട്രീയ പാർട്ടികൾക്കും തുല്യത ലഭിക്കുന്നതും സുതാര്യവുമായ സര്ക്കാര് ഫണ്ടിങ് തെരഞ്ഞെടുപ്പില് വേണമെന്നാണ് സിപിഐ നിലപാട്. ഇന്ദ്രജിത് ഗുപ്ത സമിതിയുടെ ശുപാർശ പ്രകാരം തെരഞ്ഞെടുപ്പിനുള്ള സംസ്ഥാന ഫണ്ടിങ് ഉൾപ്പെടെ സമഗ്ര തെരഞ്ഞെടുപ്പ് പരിഷ്കാരങ്ങൾക്ക് സിപിഐ പ്രതിജ്ഞാബദ്ധമാണെന്നും സെക്രട്ടേറിയറ്റ് പ്രസ്താവനയില് പറഞ്ഞു.
English Summary:Electoral bond not bought from anyone: CPI
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.