സംസ്ഥാനത്ത് 40 പുതിയ ഹോമിയോ ഡിസ്പെന്സറികള് ആരംഭിക്കാന് അനുമതി നല്കി ആരോഗ്യവകുപ്പ്. മന്ത്രിസഭാ യോഗതീരുമാനത്തെ തുടര്ന്നാണ് അടിയന്തരമായി നടപടികള് പൂര്ത്തിയാക്കി വകുപ്പ് ഉത്തരവ് പുറപ്പെടുവിച്ചത്. പൊതുജനാരോഗ്യ മേഖല ശക്തിപ്പെടുത്തുന്നതിന്റെ ഭാഗമായാണ് എല്ലാ പഞ്ചായത്തുകളിലും ഹോമിയോ ഡിസ്പെന്സറികള് ആരംഭിക്കാന് സര്ക്കാര് തീരുമാനിച്ചതെന്ന് ആരോഗ്യമന്ത്രി വീണാ ജോര്ജ് പറഞ്ഞു.
ഇതോടെ എല്ലാ പഞ്ചായത്തിലും ഹോമിയോ ഡിസ്പെന്സറികള് ആരംഭിക്കുമെന്ന പ്രകടന പത്രികയിലെ വാഗ്ദാനമാണ് സര്ക്കാര് പാലിച്ചത്. ഇതിനായി 40 ഹോമിയോ മെഡിക്കല് ഓഫിസര്മാരുടെ തസ്തിക സൃഷ്ടിച്ചിരുന്നു. തദ്ദേശ സ്വയംഭരണ സ്ഥാപനങ്ങളുടെയും നാഷണല് ആയുഷ് മിഷന്റെയും സഹകരണത്തോടെയാണ് ഡിസ്പെന്സറികള് ആരംഭിക്കുന്നതെന്നും മന്ത്രി വ്യക്തമാക്കി.
35 ഗ്രാമ പഞ്ചായത്തുകളിലും അഞ്ച് മുനിസിപ്പാലിറ്റികളിലുമാണ് ഹോമിയോ ഡിസ്പെന്സറികള് തുടങ്ങുന്നത്. മലപ്പുറം ജില്ലയിലെ മുതുവല്ലൂര്, പെരുവള്ളൂര്, വേങ്ങര, പൊന്മുണ്ടം, വെട്ടത്തൂര്, മേലാറ്റൂര്, തേഞ്ഞിപ്പലം, മുന്നിയൂര്, കണ്ണമംഗലം, മങ്കട, കീഴാറ്റൂര്, പാലക്കാട് ജില്ലയിലെ അകത്തേത്തറ, വടകരപ്പതി, പെരുമാട്ടി, കപ്പൂര്, കുമരംപുത്തൂര്, നെല്ലായ, വടവന്നൂര്, കൊടുമ്പ്, പൂക്കോട്ടുകാവ്, വെള്ളിനേഴി, വിളയൂര്, അയിലൂര്, പട്ടഞ്ചേരി, തൃശൂര് ജില്ലയിലെ വാടാനപ്പള്ളി, ചേര്പ്പ്, ചൂണ്ടല്, ദേശമംഗലം, കാട്ടൂര്, വല്ലച്ചിറ, ഒരുമനയൂര്, കോഴിക്കോട് ജില്ലയിലെ ചങ്ങരോത്ത്, ചോറോട്, കായണ്ണ, തുറയൂര് ഗ്രാമപഞ്ചായത്തുകളിലും, കോഴിക്കോട് ജില്ലയിലെ വടകര, പാലക്കാട് ജില്ലയിലെ മണ്ണാര്ക്കാട്, ഷൊര്ണൂര്, എറണാകുളം ജില്ലയിലെ ഏലൂര്, കളമശേരി മുനിസിപ്പാലിറ്റികളിലുമാണ് പുതിയ ഡിസ്പെന്സറികള് ആരംഭിക്കുന്നത്.
English Summary:Homeo Dispensaries in all Panchayats
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.