ജനകീയ നാടകങ്ങളിലൂടെ ജനമനസുകളിൽ വിപ്ലവാവേശം വിതച്ച നാടകപ്രസ്ഥാനമായ കെപിഎസിക്ക് ഇനി പുതിയ ആസ്ഥാന മന്ദിരം. നവീകരിച്ച കാമ്പിശേരി കരുണാകരൻ സ്മാരകത്തിന്റെയും തോപ്പിൽ ഭാസി ഓഡിറ്റോറിയത്തിന്റെയും ഉദ്ഘാടനം ഇന്ന് വൈകിട്ട് അഞ്ചിന് സിപിഐ സംസ്ഥാന സെക്രട്ടറി ബിനോയ് വിശ്വം നിർവഹിക്കും.
ദേശീയപാതാ നവീകരണത്തിനായി സ്ഥലം നൽകിയപ്പോൾ കെട്ടിടങ്ങളും വിപ്ലവ സ്തൂപമായ വാരിക്കുന്തമേന്തിയ പോരാളിയും അരിവാളുയർത്തിയ പെണ്ണാളും കായംകുളം കെപിഎസി അങ്കണത്തിൽ നിന്ന് വഴിമാറി. മലയാറ്റൂർ രാമകൃഷ്ണൻ വരച്ച രേഖാചിത്രം അടിസ്ഥാനമാക്കി 1980 ലാണ് സ്തൂപം സ്ഥാപിച്ചത്. തിരുവനന്തപുരം സ്വദേശി ആർട്ടിസ്റ്റ് കേശവൻകുട്ടിയാണ് ഇത് നിർമ്മിച്ചത്. ദേശീയപാതാ നിർമ്മാണം കഴിയുമ്പോൾ ശില്പം പഴയതുപോലെ വീണ്ടും നിർമ്മിക്കും.
നാടക ചരിത്രത്തിന്റെ നേർക്കാഴ്ചകളുമായി തിയേറ്റർ മ്യൂസിയവും നിർമ്മിക്കും. ഈ വർഷം കെപിഎസി പ്ലാറ്റിനം ജൂബിലി ആഘോഷവും തോപ്പിൽ ഭാസി ജന്മ ശതാബ്ദി ആഘോഷവും വിപുലമായി സംഘടിപ്പിക്കുമെന്ന് കെപിഎസി സെക്രട്ടറി എ ഷാജഹാൻ പറഞ്ഞു.
കെപിഎസി ഓഡിറ്റോറിയത്തിൽ നടക്കുന്ന ചടങ്ങിൽ സാംസ്കാരിക വകുപ്പ് മന്ത്രി സജി ചെറിയാൻ അധ്യക്ഷത വഹിക്കും. കെ കേശവൻ പോറ്റി-അഡ്വ. എം ഗോപി സ്മാരക ഹാൾ സമർപ്പണം കൃഷി വകുപ്പ് മന്ത്രി പി പ്രസാദ് നിർവഹിക്കും. സിപിഐ ജില്ലാ സെക്രട്ടറി ടി ജെ ആഞ്ചലോസ്, യു പ്രതിഭ എംഎൽഎ, നഗരസഭാ ചെയർപേഴ്‌സൺ പി ശശികല എന്നിവർ സംസാരിക്കും. രാത്രി ഏഴ് മുതൽ കെപിഎസി ചന്ദ്രശേഖരനും സംഘവും അവതരിപ്പിക്കുന്ന ഗാനസന്ധ്യ നടക്കും.
English Summary: New headquarters ready for KPAC; Inauguration today
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.