ജമ്മു കശ്മീരിന്റെ പ്രത്യേക പദവിയായ ആര്‍ട്ടിക്കിള്‍ 370 റദ്ദാക്കിയ വിഷയത്തില്‍ രാജ്യത്തെ എല്ലാ പൗരന്‍മാര്‍ക്കും വിമര്‍ശിക്കാനുള്ള അവകാശമുണ്ടെന്ന് സുപ്രീം കോടതി. കേന്ദ്ര സര്‍ക്കാര്‍— സുപ്രീം കോടതി തീരുമാനങ്ങളെ വിമര്‍ശിക്കുന്നത് ജനാധിപത്യ സംവിധാനത്തെ തകിടം മറിക്കുന്ന വിധത്തിലുള്ളതായി വിലയിരുത്തനാവില്ലെന്നും കോടതി അഭിപ്രായപ്പെട്ടു.
അഭിപ്രായ സ്വാതന്ത്ര്യം ഭരണഘടന ഉറപ്പ് നല്‍കിയ ഒന്നാണ്. അത്തരം പരാമര്‍ശങ്ങളെ ക്രിമിനല്‍ കുറ്റമായി വീക്ഷിക്കാന്‍ സാധിക്കില്ലെന്നും ജസ്റ്റിസ് അഭയ് എസ് ഓഖ, ഉജ്ജ്വല്‍ ഭൂയന്‍ എന്നിവരടങ്ങിയ ഡിവിഷന്‍ ബെഞ്ച് ചൂണ്ടിക്കാട്ടി. അഭിപ്രായ സ്വാതന്ത്ര്യം സംബന്ധിച്ച് നിയന്ത്രണം ഏര്‍പ്പെടുത്തുന്നത് ഉചിതമായ തീരുമാനമല്ല. ആര്‍ട്ടിക്കിള്‍ 370 റദ്ദാക്കിയ വിഷയത്തില്‍ കേന്ദ്ര സര്‍ക്കാര്‍ നടപടിയെ വിമര്‍ശിച്ച ജാവേദ് അഹമദ് ഹസം എന്ന വ്യക്തിക്കെതിരെ ചുമത്തിയ ക്രിമിനല്‍ കേസ് പരിഗണിക്കുകയായിരുന്നു കോടതി. പ്രതിക്കെതിരെ ചുമത്തിയ കുറ്റം നിലനില്‍ക്കില്ലെന്നും കേസ് തള്ളുന്നതായും കോടതി പറഞ്ഞു.
English Summary: Every Citizen Has Right To Criticize Any Decision of State: Supreme Court
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.