ജാസി ഗിഫ്റ്റിനെ വേദിയിൽ വെച്ച് കോലഞ്ചേരി സെന്റ് പീറ്റേഴ്സ് കോളേജിലെ പ്രിൻസിപ്പാൾ അപമാനിച്ചതായി ആരോപണം. കോളജ് ഡേ പരിപാടിയിൽ പാടുന്നതിനിടെ ഗായകന്റെ മൈക്ക് പ്രിൻസിപ്പാൾ പിടിച്ചുവാങ്ങിയെന്നാണ് ആരോപണം. ജാസി ഗിഫ്റ്റിനൊപ്പം കോറസ് പാടാൻ പുറത്തു നിന്ന് മറ്റൊരു പാട്ടുകാരൻ എത്തിച്ചിരുന്നു. എന്നാൽ ഉദ്ഘാടകൻ ആയ ജാസി ഗിഫ്റ്റിന് മാത്രം പാടാനാണ് അനുമതി നൽകിയിരുന്നതെന്ന് പ്രിൻസിപ്പാൾ നിലപാടെടുക്കുകയും തുടർന്ന് മൈക്ക് പിടിച്ച് വാങ്ങുകയുമായിരുന്നു. ഇതോടെ പ്രിൻസിപ്പാളിന്റെ നടപടിയിൽ പ്രതിഷേധിച്ച് ഗായകൻ വേദിയിൽ നിന്നും ഇറങ്ങിപ്പോയി.
അതേസമയം, പുറത്ത് നിന്നുള്ള ആളുകളുടെ സംഗീത നിശ കോളജിനകത്ത് നടത്തുന്നതിന് നിയന്ത്രണങ്ങളുണ്ടെന്നും ഇക്കാര്യം മൈക്ക് വാങ്ങി പറയുക മാത്രമാണ് ചെയ്തതെന്നുമാണ് സംഭവത്തിൽ പ്രിൻസിപ്പാൾ പ്രതികരിച്ചത്. എന്നാൽ, പ്രിൻസിപ്പാളിന്റെ നടപടി വിഷമമുണ്ടാക്കിയെന്നാണ് ജാസി ഗിഫ്റ്റ് പറഞ്ഞു. ഒരു കലാകാരനെയും ഇങ്ങനെ അപമാനിക്കരുതെന്നും, പാട്ടുകാരനൊപ്പം കോറസ് പാടാൻ ആളുകളെത്തുന്നത് പതിവാണെന്നും ഗായകൻ പ്രതികരിച്ചു. കാലാകാരനെന്ന നിലയിൽ ഇത് അപമാനിക്കലാണെന്നും ജാസി ഗിഫ്റ്റ് കൂട്ടിച്ചേർത്തു.
English Summary: Principal insults Jassie Gift
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.