ആഭ്യന്തര വൈദ്യുതോല്പാദനം ഇരട്ടിയാക്കി

സംസ്ഥാനത്ത് ആഭ്യന്തര വൈദ്യുതോല്പാദനം ഇരട്ടിയാക്കി. ഇന്ന് 30. 1958 ദശലക്ഷം യൂണിറ്റ് വൈദ്യുതിയാണ് ഉൽപ്പാദിപ്പിച്ചത്.
സംസ്ഥാനത്തെ ആകെ വൈദ്യുതോപയോഗത്തിന്റെ 37.76 ശതമാനവും ആഭ്യന്തരമായി ഉൽപ്പാദിപ്പിച്ചു. മുമ്പ് പ്രതിദിനം ശരാശരി 16.8021 ദശലക്ഷം യൂണിറ്റ് വൈദ്യുതിയാണ് ഉൽപ്പാദിപ്പിച്ചിരുന്നത്. സംസ്ഥാനത്തെ ആകെ വൈദ്യുതോപയോഗം ഇന്ന് 79.9674 ദശലക്ഷം യൂണിറ്റായിരുന്നു. പുറമെ നിന്ന് 49.7717 ദശലക്ഷം യൂണിറ്റ് വൈദ്യുതി മാത്രമാണ് എത്തിച്ചത്. ഇടുക്കി പദ്ധതിയിൽ നിന്ന് മാത്രം ശരാശരി 14.789 ദശലക്ഷം യൂണിറ്റ് വൈദ്യുതി ഉൽപ്പാദിപ്പിച്ചു. 

ന്യൂനമർദ്ദത്തെ തുടർന്ന് ഒരാഴ്ചയിലേറെയായി സംസ്ഥാനത്ത് ശക്തമായ മഴ തുരുകയാണ്. കടുത്ത വേനലിനെ തുടർന്ന് വേനൽ മഴയുടെ ലഭ്യത കുറഞ്ഞതും വൈദ്യുതോപയോഗം കുതിച്ച് ഉയർന്നതും ജലസംഭരണികളിലെ ജലശേഖരം കുത്തനെ കുറയാനിടയാക്കിയിരുന്നു. ഡാമുകളിലേക്കുള്ള നീരൊഴുക്ക് പ്രതിദിനം ശരാശരി 13 ദശലക്ഷം യൂണിറ്റായി ഉയർന്നിട്ടുണ്ട്. 

നിലവിൽ ജലവൈദ്യുത പദ്ധതികളുള്ള എല്ലാ ജലാശയങ്ങളിലുമായി 29 ശതമാനമാണ് ജലശേഖരം. സംഭരണികളിലെല്ലാമായി 1216.587 ദശലക്ഷം യൂണിറ്റ് വൈദ്യുതി ഉൽപപാദിപ്പിക്കാനാവശ്യമായ ജലമുണ്ട്. ഈ മാസം ഇന്ന് വരെ 137.545 ദശലക്ഷം യൂണിറ്റ് വൈദ്യുതിക്കാവശ്യമായ ജലം ഒഴുകിയെത്തിയെന്നാണ് കെഎസ്ഇബിയുടെ കണക്ക്. 

Eng­lish Summary:Domestic elec­tric­i­ty gen­er­a­tion doubled
You may also like this video