കേരള സ്റ്റേറ്റ് കർഷക തൊഴിലാളി ഫെഡറേഷൻ (ബികെഎംയു-എഐടിയുസി) നേതൃത്വത്തിൽ നടത്തുന്ന തരിശുനില കൃഷി പദ്ധതി സംസ്ഥാനത്തെ വിവിധ കേന്ദ്രങ്ങളിൽ ആരംഭിച്ചു. സംസ്ഥാന സർക്കാരിന്റെ തരിശുനില കൃഷിയും ഞങ്ങളും കൃഷിയിലേക്ക് എന്ന പരിപാടിയും ഏറ്റെടുത്ത് ബികെഎംയു സംസ്ഥാന വ്യാപകമായാണ് കൃഷി നടത്തുന്നത്.
ക്യാമ്പയിന്റെ സംസ്ഥാനതല ഉദ്ഘാടനം 17ന് രാവിലെ 9.30ന് ആലപ്പുഴ ജില്ലയിലെ അമ്പലപ്പുഴ പഞ്ചായത്തിലെ കരുമാടി പ്രദേശത്തെ കൊച്ചുമേലത്തുംകരി പാടത്ത് സംസ്ഥാന പ്രസിഡന്റ് ചിറ്റയം ഗോപകുമാർ നിർവഹിക്കും. കൊച്ചുമേലത്തുംകരി പാടത്ത് 14 ഏക്കർ സ്ഥലത്താണ് കൃഷിയിറക്കുന്നത്. തൃശൂർ ജില്ലയിൽ 13 കേന്ദ്രങ്ങളിൽ ഇതിനകം കൃഷി ആരംഭിച്ചിട്ടുണ്ട്.
എറണാകുളം, കാസർകോട്, ഇടുക്കി, കോഴിക്കോട് ജില്ലകളിലെ വിവിധ കേന്ദ്രങ്ങളിലും കൃഷിഇറക്കി. മറ്റ് ജില്ലകളിലും കൃഷിയിറക്കാനുള്ള പ്രാരംഭപ്രവർത്തനങ്ങൾ നടന്നു വരുന്നു. ഇന്ന് കാസർകോട് ജില്ലാതല ഉദ്ഘാടനം രാവണീശ്വരത്ത് സംസ്ഥാന ജനറൽ സെക്രട്ടറി അഡ്വ. ഗോവിന്ദൻ പള്ളിക്കാപ്പിൽ ഉദ്ഘാടനം ചെയ്തു.
English Summary: Fallow land cultivation started under the leadership of BKMU
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.