രാജ്യത്തെ തൊഴിലില്ലായ്മയുടെ നേര്ചിത്രം കാട്ടുന്ന വീഡിയോ വൈറലാകുന്നു. ഗുജറാത്തിലെ ഒരു കമ്പനിയിലേക്കുള്ള പത്ത് ഒഴിവിലേക്കെത്തിയ 1800 ഓളം ആളുകളുടെ തിക്കുംതിരക്കുമാണ് ഇപ്പോള് സമൂഹമാധ്യമത്തില് വൈറലായിരിക്കുന്നത്.
ജഗാഡിയയിലെ ഗുജറാത്ത് ഇന്ഡസ്ട്രിയല് ഡെവലപ്മെന്റ് കോര്പറേഷന് കോംപ്ലക്സില് പ്രവര്ത്തിക്കുന്ന സ്വകാര്യ എഞ്ചിനീയറിങ് കമ്പനി തങ്ങളുടെ സ്ഥാപനത്തിലെ പത്ത് ഒഴിവുകളിലേക്കാണ് ഓപ്പണ് ഇന്റര്വ്യൂ നടത്തിയത്. അങ്കലേശ്വറിലെ ലോര്ഡ്സ് പ്ലാസ ഹോട്ടലിലായിരുന്നു അഭിമുഖം.
📽️ Watch | Railing Collapses As 1,800 Aspirants Turn Up For 10 Jobs In Gujarat https://t.co/Vy4eJUjq2b pic.twitter.com/87fdRurayS
— NDTV (@ndtv) July 11, 2024
ഇന്റര്വ്യൂ നടന്ന ഹോട്ടലിലുണ്ടായ തിക്കിലും തിരക്കിലും കൈവരി തകര്ന്ന് നിരവധിപ്പേര്ക്ക് പരിക്കേറ്റു. എന്നാല് ആരുടേയും പരിക്ക് ഗുരുതരമല്ല. അതേസമയം സംസ്ഥാനത്തെ തൊഴിലില്ലായ്മയുടെ നേര്ചിത്രമാണ് ഇതെന്ന് കോണ്ഗ്രസ് ആരോപിച്ചു.
കമ്പനി അധികൃതരുടെ പ്രതീക്ഷകളെല്ലാം തകിടം മറിച്ച് 1800ല് അധികം പേരാണ് ജോലി തേടി എത്തിയത്. ഇത്രയും ഉദ്യോഗാര്ത്ഥികളെ ഉള്ക്കൊള്ളാനുള്ള സ്ഥലം ഹോട്ടലില് ഉണ്ടായിരുന്നില്ല. ഇതോടെ തിക്കും തിരക്കുമായി.
വാതിലിന് പുറത്തെ തിരക്ക് കൂടിയപ്പോള് സമീപത്തെ കൈവരികളില് സമ്മര്ദമേറി. തകര്ന്ന് വീഴുന്നത് മനസിലാക്കി രണ്ട് പേര് ചാടി രക്ഷപ്പെടുന്നതും ദൃശ്യങ്ങളില് കാണാം. നിരവധി പേര് കൈവരിയോടൊപ്പം താഴേക്ക് വീണതായും റിപ്പോര്ട്ടുകളുണ്ട്.
English Summary: 1800 people have reached the 10th vacancy
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.