നിരോധിത പതഞ്ജലി ഉല്പന്നങ്ങൾ ഫ്രാഞ്ചൈസി സ്റ്റോറുകൾ വഴി വ്യാപകമായി വിൽക്കുന്നതായി റിപ്പോർട്ട്. വ്യാജ അവകാശവാദങ്ങൾക്കൊപ്പം ആരോഗ്യ പ്രശ്നങ്ങൾക്കിടയാക്കുമെന്ന് കണ്ടെത്തിയ പതഞ്ജലിയുടെ 14 മരുന്നുകളുടെ ലൈസൻസ് ഉത്തരാഖണ്ഡ് ലൈസൻസിങ് അതോറിട്ടി റദ്ദാക്കിയിരുന്നു. ഈ മരുന്നുകളുടെ വില്പന നിർത്തിവച്ചതായി പതഞ്ജലി സുപ്രീം കോടതിയെ അറിയിക്കുകയും ചെയ്തു. എന്നാൽ ഇവ പതഞ്ജലിയുടെ ഷോപ്പുകളിൽ ഇപ്പോഴും വ്യാപകമായി വിൽക്കുന്നതായാണ് റിപ്പോര്‍ട്ടുകള്‍.
ഡൽഹി, പട്ന, ഡെറാഡൂൺ എന്നിവിടങ്ങളിൽ നടത്തിയ അന്വേഷണത്തിലാണ് പതഞ്ജലിയുടെ തട്ടിപ്പ് കണ്ടെത്തിയത്. 14 ഉല്പന്നങ്ങളുടെ വില്പന നിർത്തിവച്ചതായും ഈ ഉല്പന്നങ്ങൾ പിൻവലിക്കാൻ 5,606 സ്റ്റോറുകൾക്ക് നിർദേശം നൽകിയതായും സുപ്രീം കോടതിയെ അറിയിച്ചിരുന്നു. എന്നാൽ ശ്വാസകോശ സംബന്ധമായ അസുഖങ്ങൾ സുഖപ്പെടുത്തുമെന്ന് അവകാശപ്പെടുന്ന സ്വസരി വാതിയും പതഞ്ജലി ദൃഷ്ടി ഐ ഡ്രോപ്പും പതഞ്ജലി സ്റ്റോറിൽ വിൽക്കുന്നതായി കണ്ടെത്തി. രക്തസമ്മർദത്തിനുള്ള ബിപി ഗ്രിറ്റ്, പ്രമേഹത്തിനുള്ള മധുഗ്രിറ്റ് എന്നിവയും കടകളിൽ ലഭ്യമാണെന്ന് അന്വേഷണത്തില്‍ കണ്ടെത്തി.
English summary ; Banned Patanjali products are still in the market
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.