വയനാട് ദുരന്തബാധിതർക്ക് സഹായഹസ്തവുമായി ചിത്രകാരന്മാർ ചൊവ്വാഴ്ച്ച രാവിലെ 10 മുതൽ വൈകിട്ടുവരെ കേരളത്തിലുടനീളം ചിത്രരചനയിൽ ഏർപ്പെടും. കേരള ചിത്രകലാ പരിഷത്ത് എന്ന കൂട്ടായ്മയുടെ നേതൃത്വത്തിൽ ” വയനാടിനൊരു വരത്താങ്ങ് ” എന്ന സന്ദേശവുമായാണ് ചിത്രകാരമാർ ജില്ലാ കേന്ദ്രങ്ങളിൽ ഒത്തുകൂടി തെരുവോര ചിത്ര രചന ക്യാമ്പ് സംഘടിപ്പിക്കുന്നത്. ആയിരത്തോളം കലാകാരൻമാർ ഈ കൂട്ടായ്മയിൽ അണിചേരുമെന്നാണ് പ്രതീക്ഷ. ചിത്രം വരാക്കുവാൻ അറിയുന്ന ആർക്കുവേണമെങ്കിലും ആവശ്യമായ സജ്ജീകരണങ്ങളുമായി ഇതിൽ പങ്കെടുക്കുവാനും കഴിയും. പേപ്പറിലും ക്യാൻവാസിലും വാട്ടർ കളർ , അക്രിലിക് . തുടങ്ങി ഏത് മീഡിയത്തിൽ വേണമെങ്കിലും കലാസൃഷ്ടികൾ നടത്താം.
ക്യാമ്പിൽ വരക്കുന്ന ചിത്രങ്ങളും കാരിക്കേച്ചറുകളും ആവശ്യക്കാർക്ക് തത്സമയം വിൽപന നടത്തുകയും ആ തുക വയനാട്ടിലെ ദുരിതബാധിതക്കായി ചിലവഴിക്കും. ആദ്യ ഘട്ടമെന്ന നിലയിലാണ് നാളെ പരിപാടി നടക്കുന്നത്. രണ്ടാം ഘട്ടമായി സംസ്ഥാനത്തെ കലാകാരന്മാരിൽ നിന്നുംഅവർ വരച്ച പെയിന്റിങ്ങുകൾ സംഭാവനായി ശേഖരിക്കുകയും ആ ചിത്രങ്ങൾ ഗ്യാലറിയിൽ നിന്നും മാറി ജനങ്ങളുടെ സമീപത്തേക്കിറങ്ങി സാധാരണക്കാർക്ക് പോലും വാങ്ങാൻ കഴിയുന്ന വിലക്ക് വിൽപന നടത്തി 10 ലക്ഷം രൂപ സമാഹരിക്കാനാണ് സംഘടന ലക്ഷ്യമിടുന്നതെന്നും ആ തുകക്ക് വയനാടിന് ഉചിതമായ പദ്ധതിക്കായി ചിലവഴിക്കുമെന്ന് കേരള ചിത്രകലാ പരിഷത്ത് സംസ്ഥാന പ്രസിഡൻ്റ് സിറിൾ. പി ജേക്കബ് ജനയുഗത്തോട് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.