ആമയിഴഞ്ചാൻ തോട്
സ്വർഗത്തിലേക്കുള്ള
അഴുക്കുപാത
കല്ലും മുള്ളും
പ്ലാസ്റ്റിക്കും
കുപ്പിയും
മലമൂത്ര‑രാസ,സമ്മിശ്രണങ്ങളും
ദുർഗന്ധം വമിക്കും മരണപ്പത
ഒറ്റമുറിയുടെ പുകയടുപ്പിൽ
ഇത്തിരിക്കഞ്ഞിക്ക്
വെള്ളം തിളപ്പിക്കാൻ
പട്ടിണിപ്പാവങ്ങൾ
മറവരും കുറവരും
ചിലനേരമെങ്കിലും
നായരും നാടാനും
വേടനും കുറുമനും
മുക്കുവോരും
മൂക്കു പൊത്തി
ഓടകോരാനിറങ്ങും
മാനത്ത് മഴ കനം തൂങ്ങവേ
നഗരം സാഗരമാകും
നിറുത്താതെ
പെയ്യുന്ന കണ്ണീർ
മഴയിൽ
ഓട കോരാൻ
വീടുവിട്ടിറങ്ങിയ
ഒരുവൻ
തെരുവിൽ
കീറത്തുണിത്തണുപ്പിൽ
മുഖം പൊത്തിക്കിടന്നു
ഇന്നലെയുമമ്മ അവനോട്
പറഞ്ഞതാണ്
‘ഈ പണി വേണ്ടെന്ന്’
എങ്കിലും
നമുക്കിതല്ലേ
വരുമാന മാർഗം
ഇന്നിതാ
നഗരപാതയ്ക്കരുകിൽ
തണുപ്പ് പുതച്ച്
അവൻ
ഉറങ്ങുന്നു
ആമയിഴഞ്ചാൻ തോട്
സ്വർഗത്തിലേക്കുള്ള
ഒഴുക്കുപാതയാണ്
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.