അതിശക്തമായ മഴ തുടരുന്ന സാഹചര്യത്തില് തമിഴ്നാട്ടില് റെഡ് അലര്ട്ട് പ്രഖ്യാപിച്ചു. വിവിധയിടങ്ങളില് മഴ രൂക്ഷമാകുന്ന സാഹചര്യത്തില് എട്ട് വിമാന സര്വീസുകള് റദ്ദാക്കിയതായി അധികൃതര് അറിയിച്ചു. ബംഗാള് ഉള്ക്കടലിനുമുകളില് ചക്രവാതച്ചുഴി രൂപപ്പെട്ട സാഹചര്യത്തിലാണ് തമിഴ്നാട്ടില് മഴ ശക്തമായത്. കഴിഞ്ഞദിവസം മുതല് തമിഴ്നാട്ടില് മഴ ശക്തമാണ്. ഇതിനെത്തുടര്ന്ന്
ചെന്നൈ, തിരുവള്ളൂര്, കാഞ്ചീപുരം, ചെങ്കല്പട്ട് ജില്ലകളിലെ സ്കൂളും കോളജും ഉള്പ്പെടുന്ന വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയും പ്രഖ്യാപിച്ചിട്ടുണ്ട്. ഈ ജില്ലകളിലുള്ള ജീവനക്കാര്ക്ക് ഈ മാസം 18 വരെ വര്ക്ക് ഫ്രം ഹോം അനുവദിക്കണമെന്ന് മുഖ്യമന്ത്രി എംകെ സ്റ്റാലിന് ഐടി കമ്പനികളോട് നിര്ദേശിച്ചിട്ടുണ്ട്.
അടുത്ത മൂന്ന് ദിവസം തമിഴ്നാട്ടില് അതിശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ(ഐഎംഡി) മുന്നറിയിപ്പ്. ഈ മാസം 12 മുതല് 16 വരെയുള്ള തീയതികളില് തമിഴ്നാട്, പുതുച്ചേരി, കാരയ്ക്കല് എന്നിവിടങ്ങളില് ഒറ്റപ്പെട്ട കനത്തതോ അതിശക്തമായതോ ആയ മഴയാണ് പ്രതീക്ഷിക്കുന്നത്.
ഒക്ടോബര് 14 മുതല് 16 വരെ ഈ പ്രദേശങ്ങളില് ഓറഞ്ച് അലര്ട്ട് പ്രഖ്യാപിച്ചിട്ടുള്ളയായും കാലാവസ്ഥാ വകുപ്പ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.