എയര്‍ ഇന്ത്യയുടെ മുറി പങ്കുവയ‍്ക്കല്‍ പദ്ധതിക്കെതിരെ ക്യാബിന്‍ ജീവനക്കാരുടെ സംഘടന രംഗത്ത്. വിഷയത്തില്‍ ഇടപെടണമെന്ന് ആവശ്യപ്പെട്ട് ക്യാബിൻ ക്രൂഅസോസിയേഷന്‍(എഐസിസി) തൊഴില്‍ മന്ത്രാലയത്തിന് കത്ത് നല്‍കി. എയര്‍ ഇന്ത്യ നടപടി നിയമവിരുദ്ധമാണെന്നും അസോസിയേഷൻ ആരോപിച്ചു. മുന്‍ കരാറുകളും ട്രൈബ്യൂണല്‍ ഉത്തരവുകളും അനുസരിച്ച് പൈലറ്റുമാര്‍ക്കുള്ള താമസവും അനുവദിക്കണമെന്നാണ് അസോസിയേഷന്റെ ആവശ്യം.
നിലവിലെ വ്യവസ്ഥ ലംഘിക്കരുതെന്ന് എയര്‍ ഇന്ത്യ മേധാവി കാംബെല്‍ വില്‍സണ് അയച്ച കത്തില്‍ അസോസിയേഷന്‍ ആവശ്യപ്പെട്ടു. ചില വിഭാഗം ജീവനക്കാര്‍ വിശ്രമ സമയത്ത് മുറികള്‍ പങ്കിടേണ്ടിവരുമെന്നതാണ് പ്രതിഷേധത്തിനുള്ള പ്രധാന കാരണം. വിഷയത്തില്‍ എയര്‍ ഇന്ത്യ സിഇഒയ്ക്ക് നേരത്തെ കത്തയിച്ചിരുന്നു.
അന്താരാഷ‍്ട്ര നിയമം അനുസരിച്ച് ഏട്ട് വര്‍ഷത്തെ പ്രവര്‍ത്തിപരിചയമുള്ള മുതിര്‍ന്ന ക്യാബിന്‍ എക‍്സിക്യൂട്ടീവുകള്‍ക്ക് വിശ്രമസമയത്ത് ഒറ്റ മുറി ലഭിക്കും. അതേസമയം ക്യാബിൻ എക്സിക്യൂട്ടീവുകളും ദീര്‍ഘ ദൂര വിമാനങ്ങള്‍ കൈകാര്യം ചെയ്യുന്ന പൈലറ്റുകളും ഒഴികെയുള്ള മറ്റ് ജീവനക്കാര്‍ മുറി പങ്കിടണമെന്നതടക്കം പുതിയ നിര്‍ദേശങ്ങള്‍ എയര്‍ ഇന്ത്യ കഴിഞ്ഞദിവസം പ്രഖ്യാപിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.