കോണ്ഗ്രസ് രേഖാമൂലം എഴുതി തന്നാല് സംസ്ഥാനത്ത് ബീഫ് നിരോധിക്കുമെന്ന് അസം മുഖ്യമന്ത്രി ഹമന്ത വിശ്വ ശര്മ്മ,സാമഗുരി മണ്ഡലത്തിലെ തെരഞ്ഞെടുപ്പ് വിജയത്തിനായി ബിജെപി മണ്ഡലത്തില് ബീഫ് വിതരണം ചെയ്തുവെന്ന കോണ്ഗ്രസ് ആരോപണത്തോട് പ്രതികരിക്കുകയായിരുന്നു ഹിമാന്ത.
ന്യൂനപക്ഷ വോട്ടുകള് ലഭിക്കുന്നതിനായി അസം മുഖ്യമന്ത്രി ഹിന്ത ബിശ്വ ശര്മ ബീഫ് പാര്ട്ടി നടത്തിയെന്നായിരുന്നു കോണ്ഗ്രസ് എം പിയായ റാക്കിബുള് ഹുസൈന്റെ ആരോപണം. കഴിഞ്ഞ 25 വര്ഷമായി കോണ്ഗ്രസ് ഈ മണ്ഡലത്തില് വിജയിച്ചിരുന്നത് ബീഫ് വിതരണം ചെയ്താണോയെന്നും ഹിമാന്ത ബിശ്വ ശര്മ ചോദിച്ചു.ബീഫ് ഇത്ര മോശമാണെന്ന് ഉറപ്പുണ്ടെങ്കില് കോണ്ഗ്രസ് അധികാരത്തില് ഇരുന്നപ്പോള് എന്താണ് ബീഫ് നിരോധിക്കാതിരുന്നത്.
ബീഫ് ആരോഗ്യത്തിന് ഹാനികരമാണെന്ന് ഇപ്പോഴെങ്കിലും നിങ്ങള് പറയുന്നുണ്ടല്ലോയെന്നും മുഖ്യമന്ത്രി കോണ്ഗ്രസ് നേതാവിനെ പരിഹസിച്ചു. സംസ്ഥാനത്ത് ബീഫ് നിരോധിക്കാന് ഞങ്ങള് ഒരുക്കമാണ്. എന്നാല്, കോണ്ഗ്രസോ ബിജെപിയോ ബീഫിനെ കുറിച്ച് സംസാരിക്കില്ലെന്ന് കോണ്ഗ്രസ് അധ്യക്ഷന് ബൂപെന് കുമാറ ബോറ രേഖാമൂലം അഭ്യര്ഥിച്ചാല് സംസ്ഥാനത്ത് ഉടനീളം ബീഫ് നിരോധനം നടപ്പാക്കാമെന്നും ഹിമന്ത ബിശ്വ പറഞ്ഞു.
2021‑ലെ ഗോവധ നിരോധന നിയമം അനുസരിച്ച് ഹിന്ദുക്കളും ജൈനരും തിങ്ങി പാര്ക്കുന്ന മേഖലയില് പശുക്കളെ കൊല്ലുന്നതും ഇറച്ചി വില്ക്കുന്നതും തടഞ്ഞിട്ടുണ്ട്. ഇതിനുപുറമെ, ക്ഷേത്രങ്ങള്ക്കും സത്രകള്ക്കും അഞ്ച് കിലോമീറ്റര് ചുറ്റളവിലും ഈ നിരോധനം നടപ്പാക്കിയിട്ടുണ്ട്. ബീഫ് കഴിക്കുന്നതിന് നിരോധനം ഏര്പ്പെടുത്തിയിട്ടുള്ള സംസ്ഥാനമല്ല അസം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.