സിനിമ ‑സീരിയല് നടി മീന ഗണേഷ് അന്തരിച്ചു. അവര്ക്ക് 81 വയസായിരുന്നു. ഇന്നു പുലര്ച്ചെ 1.20 ഓടെ ഷൊര്ണൂരിലെ ആശുപത്രിയിലായിരുന്നു അന്ത്യം. രക്തസമ്മര്ദ്ദം കൂടിയതിനെ തുടര്ന്ന് നാലു ദിവസം മുന്പാണ് ആശുപത്രിയില് പ്രവേശിപ്പിച്ചത്. സംസ്ക്കാരം വൈകിട്ട് നാലുമണിക്ക് ഷൊര്ണൂര് ശാന്തിതീരത്ത്.
200-ഓളം സിനിമകളിലും 25-ഓളം സീരിയലുകളിലും വേഷമിട്ടു. നാടകരംഗത്തുനിന്നാണ് ചലച്ചിത്ര രംഗത്തെത്തിയത്. ഭര്ത്താവ് ഗണേഷും നാടക-ചലച്ചിത്ര നടനായിരുന്നു. വാര്ധക്യസഹജമായ ബുദ്ധിമുട്ടുകളെ തുടര്ന്ന് കുറച്ചുകാലമായി അഭിനയരംഗത്തുനിന്ന് വിട്ടുനില്ക്കുകയായിരുന്നു.
1976‑ല് പുറത്തുവന്ന മണിമുഴക്കം ആണ് ആദ്യ ചിത്രം. കലാഭവന് മണി നായകനായ വാസന്തിയും ലക്ഷ്മിയും പിന്നെ ഞാനും, കരുമാടിക്കുട്ടന്, മീശമാധവന്, നന്ദനം, അമ്മക്കിളിക്കൂട്, സെല്ലുലോയ്ഡ് തുടങ്ങിയ ചിത്രങ്ങളിലെ കഥാപാത്രങ്ങള് ശ്രദ്ധേയമായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.