വിദേശത്തു ജോലി വാഗ്ദാനം ചെയ്തു തട്ടിപ്പു നടത്തിയ കേസിലെ പ്രതി പിടിയിൽ. കടവന്ത്ര ആവേ മരിയ അസോസിയേറ്റ്സിലെ ഓഫിസ് ഇൻ ചാർജ് ഇടുക്കി അയ്യപ്പൻ കോവിൽ ചെറുനാരകത്തു വീട്ടിൽ സി എം അമ്പിളിയാണ് (40) അറസ്റ്റിലായത്. യൂറോപ്യൻ രാജ്യമായ മാൾട്ടയിൽ കെയർ ഗിവർ ജോലിക്കുള്ള വീസ നൽകാമെന്നായിരുന്നു വാഗ്ദാനം. കുറുപ്പംപടി സ്വദേശിയിൽ നിന്ന് നാല് ലക്ഷം തട്ടിയെടുത്ത കേസിലാണു പ്രതിയെ അറസ്റ്റ് ചെയ്തത്. ഒട്ടേറെ പേരിൽ നിന്നു പണം വാങ്ങി സമാനമായ തട്ടിപ്പു നടത്തിയെന്നാണു വിവരം. കേസിലെ ഒന്നാം പ്രതി, സ്ഥാപന ഉടമ കോട്ടയം എരുമേലി സ്വദേശി ഷിന്റോ സെബാസ്റ്റ്യൻ ഒളിവിലാണ്. സമൂഹമാധ്യമങ്ങളിലൂടെ പരസ്യം നൽകിയാണു പ്രതികൾ ഇരകളെ കണ്ടെത്തിയിരുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.