ഐഎസ്ഐആര്ഒയുടെ സ്പേഡെക്സ് ദൗത്യത്തിന്റെ രണ്ടാം ഡോക്കിങ് വിജയകരമായി പൂര്ത്തിയാക്കി. ഇതോടെ ഇന്ത്യ ഡോക്കിങ് ദൗത്യം വിജയകരമായി പൂര്ത്തിയാക്കുന്ന നാലാമത്തെ രാജ്യമായി. യുഎസ്, ചൈന, റഷ്യ എന്നീ രാജ്യങ്ങളാണ് ഈ നേട്ടം കൈവരിച്ച മറ്റു രാജ്യങ്ങൾ. കേന്ദ്രമന്ത്രി ജിതേന്ദ്ര സിങ്ങാണ് അഭിമാന നേട്ടം എക്സിലൂടെ പുറത്തുവിട്ടത്.
2024 ഡിസംബര് 30നാണ് സ്പേഡെക്സ് ദൗത്യം വിക്ഷേപിച്ചത്. ജനുവരി 16നാണ് ആദ്യ ഡോക്കിങ് പരീക്ഷണം വിജയകരമായി പൂര്ത്തിയാക്കിയത്. പിന്നീട് മാര്ച്ച് 13ന് അണ്ഡോക്കിങും പൂര്ത്തിയാക്കി. രണ്ടാഴ്ചയ്ക്കുള്ളില് കൂടുതല് പരീക്ഷണങ്ങള് ആസൂത്രണം ചെയ്തതായും കേന്ദ്ര മന്ത്രി അറിയിച്ചു.
എസ്ഡിഎക്സ് 01, എസ്ഡിഎക്സ് 02 എന്നീ ഉപഗ്രഹങ്ങള് ഉപയോഗിച്ചാണ് ഐഎസ്ആര്ഒ ബഹിരാകാശത്ത് ഡോക്കിങ് പരീക്ഷണം നടത്തുന്നത്. ഗഗന്യാന്, ഇന്ത്യയുടെ സ്വന്തം ബഹിരാകാശ നിലയം തുടങ്ങിയ ദൗത്യങ്ങള്ക്ക് മുന്നോടിയായി ഡോക്കിങ് സാങ്കേതിക വിദ്യ സ്വന്തമാക്കാനുള്ള ഇന്ത്യുടെ ശ്രമത്തിന്റെ ഫലമാണ് പുതിയ നേട്ടം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.