തൃശ്ശൂര് പൂരത്തിന് എത്തുന്നവര്ക്ക് യാത്രാ സൗകര്യങ്ങള് വര്ധിപ്പിക്കുന്നതിനായി പൂങ്കുന്നത്ത് ട്രെയിനുകള്ക്ക് താത്കാലിക സ്റ്റോപ് അനുവദിച്ചു. 16305/16306 എറണാകുളം — കണ്ണൂര് ഇന്റ്റര്സിറ്റി, 16307/16308 കണ്ണൂര് — ആലപ്പുഴ എക്സിക്യൂട്ടീവ്, 16301/16302 തിരുവനന്തപുരം — ഷൊര്ണ്ണൂര് വേണാട്, 16791/16792 തൂത്തുക്കുടി — പാലക്കാട് പാലരുവി എന്നീ എക്സ്പ്രസ്സ് ട്രെയിനുകള്ക്ക് മെയ് 6, 7 (ചൊവ്വ, ബുധന്) ദിവസങ്ങളില് ഇരുദിശകളിലും പൂങ്കുന്നത്ത് താല്ക്കാലിക സ്റ്റോപ്പ് അനുവദിച്ചത്.
തൃശൂര് പൂരത്തിന് റെയില്വേ ട്രെയിനുകള്ക്ക് താത്കാലിക സ്റ്റോപ് അനുവദിക്കാറുണ്ട്. താല്ക്കാലിക സ്റ്റോപ്പുകള്ക്ക് പുറമെ അധിക സൗകര്യങ്ങളും റെയില്വെ പ്രഖ്യാപിച്ചു. തിരക്ക് നിയന്ത്രിക്കാന് തൃശ്ശൂര്, പൂങ്കുന്നം സ്റ്റേഷനുകളില് അധിക ടിക്കറ്റ് കൗണ്ടറുകളും സജ്ജമാക്കും.
സ്റ്റേഷനുകളില് കൂടുതല് പ്രകാശ സംവിധാനം, കുടിവെള്ളം എന്നിവയും ഒരുക്കി നല്കും. യാത്രികരുടെ സഹായത്തിനും സുരക്ഷയ്ക്കുമായി കൂടുതല് പൊലീസ്, റെയില്വേ സുരക്ഷ സേനാംഗങ്ങളെയും റെയില്വേ ഉദ്യോഗസ്ഥരെയും വിന്യസിയ്ക്കുന്നതാണെന്നും റെയില്വേ അറിയിച്ചു. അനാവശ്യ തിരക്കും സമയനഷ്ടവും ഒഴിവാക്കുന്നതിന് യാത്രികര് ‘യുടിഎസ് ഓണ് മൊബൈല്’ ആപ്പ് സൗകര്യം ടിക്കറ്റെടുക്കാന് ഉപയോഗപ്പെടുത്തണമെന്ന് റെയില്വേ അഭ്യര്ത്ഥിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.