ഡ്രോണുകള് വിക്ഷേപിക്കാന് ഉപയോഗിച്ചിരുന്ന ലോഞ്ച്പാഡാണ് ഇന്ത്യന് സൈന്യം തകര്ത്തത്. ജമ്മുവിന് സമീപത്തായി നിലയുറപ്പിച്ച സൈനികരാണ് പാകിസ്ഥാന് ഇത്തരത്തില് കനത്ത തിരിച്ചടി നല്കിയതെന്നും സൈനികവൃത്തങ്ങളെ ഉദ്ധരിച്ച് വാര്ത്താ ഏജന്സികള് റിപ്പോര്ട്ട് ചെയ്യുന്നു.
ഇതിന്റെ വീഡിയോദൃശ്യങ്ങളും വാര്ത്താ ഏജന്സികള് പുറത്തുവിട്ടിട്ടുണ്ട്. അതിനിടെ,ഇന്നു രാവിലെയും പാകിസ്ഥാന്റെ പ്രകോപനം തുടരുന്നതായാണ് റിപ്പോര്ട്ട്. രാവില ശ്രീനഗറില് സ്ഫോടനശബ്ദം കേട്ടതായി ദേശീയ മാധ്യമങ്ങളുടെ റിപ്പോര്ട്ടുണ്ട്. അതിര്ത്തിയില് കഴിഞ്ഞരാത്രി മുഴുവന് അവര് ഷെല്ലാക്രമണം തുടര്ന്നിരുന്നു. ഇതേത്തുടര്ന്ന് കുപ് വാരയില് ബ്ലാക്ക്ഔട്ട് ഏര്പ്പെടുത്തി.
രജൗരിയില് പാക് ഷെല്ലാക്രമണത്തില് ജമ്മു കശ്മീരിലെ മുതിര്ന്ന ഉദ്യോഗസ്ഥന് കൊല്ലപ്പെട്ടതായി വിവരമുണ്ട്. ജമ്മു കശ്മീര് മുഖ്യമന്ത്രി ഒമര് അബ്ദുള്ളയും ഈ വിവരം സ്ഥിരീകരിച്ചു. കഴിഞ്ഞദിവസങ്ങളില് പാകിസ്ഥാന്റെ നിരവധി സൈനികപോസ്റ്റുകളാണ് ഇന്ത്യന് സൈന്യം തകര്ത്തത്. ഇന്ത്യയെ ലക്ഷ്യമിട്ടുവന്ന അവരുടെ അന്പതോളം ഡ്രോണുകളും സൈന്യം വെടിവെച്ചിട്ടിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.