ഇഞ്ചമ്പാക്കത്തെ വിജിപി ഗോള്ഡന് ബീച്ച് അമ്യൂസ്മെന്റ് പാര്ക്കിലെ റൈഡുകളിലൊന്നിന് യന്ത്രത്തകരാര് സംഭവിച്ചതിനെ തുടര്ന്ന് 15 കുട്ടികള് അടക്കം 36 പേര് കുടുങ്ങി. റൈഡ് ആസ്വദിക്കുന്നതിനിടെ ഉണ്ടായ യന്ത്രത്തകരാറിനെ തുടര്ന്ന് 36 പേരും നിലത്ത് നിന്ന് 150 അടി ഉയരത്തില് മൂന്ന് മണിക്കൂറോളം നേരമാണ് പരിഭ്രാന്തരായി. അഗ്നിശമന സേനയും രക്ഷാപ്രവര്ത്തകരും എത്തിയതിനെത്തുടര്ന്ന് എല്ലാവരെയും സുരക്ഷിതമായി താഴെയിറക്കിയതായി പൊലീസ് അറിയിച്ചു.
തിങ്കളാഴ്ച വൈകീട്ടാണ് സംഭവം. 36 പേരടങ്ങുന്ന റൈഡ് വൈകുന്നേരം ആറ് മണിയോടെയാണ് റൈഡ് ആരംഭിച്ചത്. റൈഡ് ആസ്വദിക്കാന് എത്തിയവര് മുകളിലെത്തിയ ഉടന് തന്നെ യന്ത്രത്തകരാര് സംഭവിക്കുകയായിരുന്നു. സഹായത്തിനായി നിരവധി തവണ നിലവിളിച്ചിട്ടും നിലത്തുണ്ടായിരുന്ന ഓപ്പറേറ്ററില് നിന്ന് ഒരു പ്രതികരണവും ലഭിച്ചില്ലെന്ന് രക്ഷപ്പെട്ട ഒരു സ്ത്രീ പറഞ്ഞു. പാര്ക്ക് ജീവനക്കാര് ആദ്യം സ്ഥലത്ത് ഉണ്ടായിരുന്ന ഒരു ക്രെയിന് ഉപയോഗിച്ച് പ്രശ്നം പരിഹരിക്കാന് ശ്രമിച്ചതായും പൊലീസ് പറഞ്ഞു. ‘റൈഡ് വൈകുന്നേരം 6 മണിയോടെ ആരംഭിച്ചു, രാത്രി 8.30 ന് മാത്രമാണ് പൊലീസും അഗ്നിശമന സേനയും സ്ഥലത്തെത്തിയത്. വിജിപി മാനേജ്മെന്റില് നിന്ന് ഒരു പ്രതികരണവും ഉണ്ടായില്ല.‘പാര്ഥിസെല്വം ആരോപിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.