ആലപ്പുഴ ജില്ലയിലെ മാവേലിക്കരിയിലെ ചെന്നിത്തല‑ചെട്ടികുളങ്ങര പഞ്ചായത്തുകളെ ബന്ധിപ്പിക്കുന്ന പാലങ്ങളിലൊന്നായ കീച്ചേരിക്കടവ് പാലം നിർമാണത്തിനിടെ അപകടമുണ്ടായ സംഭവത്തിൽ ഉദ്യോഗസ്ഥർക്കെതിരെ നടപടി സ്വീകരിക്കാൻ മന്ത്രി മുഹമ്മദ് റിയാസ് നിർദേശം നൽകി. നിര്മ്മാണ ചുമതലയില് ഉണ്ടായിരുന്ന പൊതുമരാമത്ത് അസിസ്റ്റന്റ് എക്സിക്യൂട്ടിവ് എഞ്ചിനിയര്, അസിസ്റ്റന്റ് എഞ്ചിനിയര്, ഓവര്സിയര് എന്നിവരെ സസ്പെന്ഡ് ചെയ്യാനാണ് മന്ത്രി പൊതുമരാമത്ത് വകുപ്പ് സെക്രട്ടറിക്ക് നിര്ദ്ദേശം നല്കിയത്.
സംഭവത്തില് പാലം നിര്മ്മാണ കരാറുകാരനെ കരിമ്പട്ടികയില് പെടുത്തുവാനും മന്ത്രി നിര്ദ്ദേശം നല്കിയിട്ടുണ്ട്. അപകടത്തിൽ അടിയന്തര അന്വേഷണം നടത്തുവാൻ പൊതുമരാമത്ത് വിജിലൻസ് വിഭാഗത്തെ ചുമതലപ്പെടുത്തിയിരുന്നു. ഈ റിപ്പോർട്ടിന്റെ അടിസ്ഥാനത്തിലാണ് നടപടി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.