ഉത്സവകാല തിരക്ക് കണക്കിലെടുത്ത് യാത്രക്കാർക്കായി ‘റൗണ്ട് ട്രിപ്പ് പാക്കേജ് ഫോർ ഫെസ്റ്റിവൽ റഷ്’ എന്ന പുതിയ പദ്ധതിയുമായി ഇന്ത്യൻ റെയിൽവേ. ഒക്ടോബർ നവംബർ മാസങ്ങളിൽ ഒരു നിശ്ചിത കാലയളവിൽ മടക്കയാത്ര നടത്തുന്നവർക്ക് ടിക്കറ്റ് നിരക്കിൽ 20 ശതമാനം വരെ ഇളവ് ലഭിക്കും.
ഒക്ടോബർ 13നും 26നും ഇടയിൽ യാത്ര ചെയ്യുന്നവർക്ക്, നവംബർ 17നും ഡിസംബർ 1നും ഇടയിൽ അതേ ട്രെയിനിൽ മടങ്ങിയെത്തിയാൽ ഈ ആനുകൂല്യം പ്രയോജനപ്പെടുത്താം. മടക്ക ടിക്കറ്റിന്റെ അടിസ്ഥാന നിരക്കിന്റെ 20 ശതമാനമായിരിക്കും ഇളവ്. ഈ ഇളവ് ലഭിക്കുന്നതിന് കയറുകയും ഇറങ്ങുകയും ചെയ്യുന്ന സ്റ്റേഷനുകൾ ഒരേപോലെയായിരിക്കണം. ഈ ടിക്കറ്റുകൾക്ക് റീഫണ്ടോ മറ്റ് മാറ്റങ്ങളോ അനുവദിക്കില്ല. കൺഫേം ടിക്കറ്റുകൾക്ക് മാത്രമായിരിക്കും ഈ ആനുകൂല്യം ലഭിക്കുക. തിരക്കിനനുസരിച്ച് നിരക്ക് വർധിക്കുന്ന ട്രെയിനുകൾക്ക് ഈ ഇളവ് ബാധകമായിരിക്കില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.