‘ഓപ്പറേഷൻ നംഖോർ’ എന്ന പേരിൽ കസ്റ്റംസ് നടത്തുന്ന പരിശോധനയുടെ ഭാഗമായി തന്റെ വാഹനം പിടിച്ചെടുത്ത നടപടി ചോദ്യം ചെയ്ത് നടൻ ദുൽഖർ സൽമാൻ ഹൈക്കോടതിയെ സമീപിച്ചു. ലാന്റ് റോവർ വാഹനം പിടിച്ചെടുത്തതിനെതിരെയാണ് നടൻ ഹർജി നൽകിയത്. എല്ലാ നിയമനടപടികളും പൂർത്തിയാക്കിയാണ് വാഹനം വാങ്ങിയതെന്നും, പിടിച്ചെടുത്ത വാഹനം വിട്ടുനൽകണമെന്നും ദുൽഖർ ആവശ്യപ്പെട്ടിട്ടുണ്ട്. ദുൽഖർ സൽമാന്റെ നാല് വാഹനങ്ങളാണ് നിലവിൽ കസ്റ്റംസിന്റെ അന്വേഷണ പരിധിയിലുള്ളത്. ഇതിൽ രണ്ട് വാഹനങ്ങളാണ് ചൊവ്വാഴ്ച പനമ്പള്ളി നഗറിലെ വീട്ടിൽ നടത്തിയ പരിശോധനയ്ക്ക് പിന്നാലെ കസ്റ്റംസ് പിടിച്ചെടുത്തത്. ഇതിലൊരു വാഹനം മറ്റൊരാളുടെ പേരിലാണ് രജിസ്റ്റർ ചെയ്തിരിക്കുന്നത്.
പൃഥ്വിരാജിന്റെ വീട്ടില് പരിശോധന നടന്നെങ്കിലും വാഹനം കണ്ടെത്താന് കഴിഞ്ഞില്ല. നടന് അമിത് ചക്കാലയ്ക്കലിന്റെ എളമക്കര പൊറ്റക്കുഴിയിലെ വീട്ടിലും പരിശോധന നടന്നിരുന്നു. അമിതിന് എട്ടോളം വാഹനങ്ങളുണ്ടെന്നാണ് വിവരം. അമിതിനെ കസ്റ്റംസ് ഓഫീസിലേക്ക് വിളിച്ചുവരുത്തി മൊഴിയെടുത്തിരുന്നു. ചൊവ്വാഴ്ച നടത്തിയ പരിശോധനയില് 36 വാഹനങ്ങളാണ് കസ്റ്റംസ് പിടിച്ചെടുത്തത്. കേരളത്തിലേക്ക് 150 മുതല് 200 വരെ എസ്യുവികള് എത്തിച്ചെന്നാണ് കസ്റ്റംസ് കരുതുന്നത്. വരും ദിവസങ്ങളിലും പരിശോധന വ്യാപിപ്പിക്കാനാണ് കസ്റ്റംസിന്റെ തീരുമാനം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.