തമിഴ് നടൻ അജിത് കുമാറിൻ്റെ ചെന്നൈ തിരുവാൻമിയൂരിലെ വീടിനുനേരെ ചൊവ്വാഴ്ച ബോംബ് ഭീഷണി ലഭിച്ചു. ഡി ജി പി യുടെ ഓഫീസിലേക്ക് ഇമെയിൽ വഴിയാണ് ഭീഷണി സന്ദേശം ലഭിച്ചത്. വിശദമായ പരിശോധനകൾക്കൊടുവിൽ ഭീഷണി വ്യാജമാണെന്ന് സ്ഥിരീകരിച്ചു. അജിത്തിനെ കൂടാതെ നടി രമ്യ കൃഷ്ണൻ, എസ് വി ശേഖർ തുടങ്ങിയ സിനിമാ താരങ്ങളുടെ വീടുകളിലേക്കും സമാനമായ ഭീഷണി സന്ദേശം ലഭിച്ചിരുന്നു.
വിവരം ലഭിച്ചയുടൻ പൊലീസ് നടപടികൾ ആരംഭിച്ചു. ചൊവ്വാഴ്ച ഉച്ചയോടെ അജിത്തിൻ്റെ വസതിയിൽ പൊലീസും ബോംബ് സ്ക്വാഡും ഡോഗ് സ്ക്വാഡുമെത്തി വിശദമായ പരിശോധന നടത്തി. ഈ തിരച്ചിൽ മണിക്കൂറുകളോളം നീണ്ടുനിന്നതായാണ് റിപ്പോർട്ടുകൾ. രമ്യ കൃഷ്ണൻ്റെയും ശേഖറിൻ്റെയും വീട്ടിലും പരിശോധനകൾ നടത്തി ഭീഷണികളെല്ലാം വ്യാജമാണെന്ന് സ്ഥിരീകരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.