പാണക്കാട് കുടുംബത്തെയും ലീഗ് നേതാക്കളെയും ഒഴിവാക്കി സമസ്ത മുശാവറ പുനഃസംഘടിപ്പിച്ചു. മുസ്ലിം ലീഗ് സംസ്ഥാന അധ്യക്ഷന് പാണക്കാട് സാദിഖലി ശിഹാബ് തങ്ങള്, മുസ്ലിം ലീഗ് മലപ്പുറം ജില്ലാ പ്രസിഡന്റ് അബ്ബാസലി ശിഹാബ് തങ്ങള് എന്നിവരെ മുശാവറയിലേക്ക് പരിഗണിക്കണം എന്ന് ലീഗ് നേതൃത്വം ആവശ്യപ്പെട്ടിരുന്നു. എന്നാല് ഇവരെ ഒഴിവാക്കിയായിരുന്നു മുശാവറയുടെ പുനഃസംഘടന.
സസ്പെന്റ് ചെയ്ത ലീഗ് അനുകൂല പണ്ഡിതനായ മുസ്തഫല് ഫൈസിയെയും തിരിച്ചെടുത്തില്ല. ഗഫൂര് അന്വരി, അലവി ഫൈസി കൊളപ്പറം, ബഷീര് ഫൈസി ചീക്കോന്ന്, ഷഫീഖ് ബാഖവി കണ്ണൂര്, ടി കെ അബൂബക്കര് വെളിമുക്ക്, മാമ്പുഴ സെയ്താലി മുസലിയാര് എന്നിവരെയാണ് പുതുതായി ഉള്പ്പെടുത്തിയിരിക്കുന്നത്. സമസ്ത മുശാവറ എന്നത് സമസ്ത കേരള ജംഇയ്യത്തുൽ ഉലമ എന്ന സംഘടനയുടെ പ്രധാന തീരുമാനങ്ങളെടുക്കുന്ന സമിതിയാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.