രാജ്യത്ത് പുതുവത്സരത്തോടനുബന്ധിച്ച് സർക്കാർ മേഖലയ്ക്ക് തുടർച്ചയായ മൂന്ന് ദിവസത്തെ അവധി ലഭിക്കും. 2026 ജനുവരി 1 വ്യാഴാഴ്ച പൊതുഅവധി പ്രഖ്യാപിച്ചുകൊണ്ട് സിവിൽ സർവീസ് കമ്മീഷൻ ഉത്തരവിറക്കി. വ്യാഴാഴ്ചത്തെ അവധിക്ക് പിന്നാലെ വെള്ളി, ശനി ദിവസങ്ങളിലെ വാരാന്ത്യ അവധി കൂടി വരുന്നതോടെയാണ് രാജ്യത്തെ സർക്കാർ ജീവനക്കാർക്ക് മൂന്ന് ദിവസത്തെ ഇടവേള ലഭിക്കുന്നത്.ജനുവരി 4, ഞായറാഴ്ച മുതൽ ഓഫീസുകൾ എല്ലാം തന്നെ പ്രവർത്തി പുനരാരംഭിക്കും.
തുടർച്ചയായി മൂന്ന് ദിവസത്തെ അവധി ലഭിക്കുന്നത് രാജ്യത്തെ ലക്ഷക്കണക്കിന് വരുന്ന പ്രവാസികൾക്കും വലിയ ആശ്വാസമാണ്. കുടുംബത്തോടൊപ്പം സമയം ചെലവഴിക്കാനും സുഹൃത്തുക്കളെ സന്ദർശിക്കാനും ഈ ദിവസങ്ങൾ പ്രയോജനപ്പെടും . കുവൈറ്റിലെ വിവിധ വിനോദസഞ്ചാര കേന്ദ്രങ്ങളിലും മാളുകളിലും പാർക്കുകളിലും പുതുവത്സരം ആഘോഷിക്കാൻ ഇതിനോടകം തന്നെ പലരും പദ്ധതികൾ തയ്യാറാക്കിക്കഴിഞ്ഞു.
അത്യാഹിത വിഭാഗങ്ങൾ മുതലായ പ്രത്യേക ജോലി സ്വഭാവമുള്ള സ്ഥാപനങ്ങൾക്ക് പൊതുജനതാൽപര്യം മുൻനിർത്തി അവധി ദിവസങ്ങളിൽ സ്വന്തം നിലയ്ക്ക് ക്രമീകരണം വരുത്താവുന്നതാണെന്നും സിവിൽ സർവീസ് കമ്മീഷൻ വ്യക്തമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.