ശബരിമലയില് നിന്നും കൂടുതല് സ്വര്ണം കൊള്ളയടിച്ചെന്ന് പ്രത്യേക അന്വേഷണ സംഘത്തിന്റെ കണ്ടെത്തല്. പ്രഭാമണ്ഡലത്തിലെ സ്വര്ണവും ശിവ, വ്യാളി രൂപങ്ങളിലെ സ്വര്ണവും കവര്ന്നുവെന്നാണ് കണ്ടെത്തല്. കേസിലെ ഒമ്പതാം പ്രതി പങ്കജ് ഭണ്ഡാരിയുടെ ഉടമസ്ഥതയിലുള്ള ചെന്നൈ സ്മാര്ട്ട് ക്രിയേഷന്സിലെത്തിച്ച രാസമിശ്രിതം ഉപയോഗിച്ച് സ്വര്ണം വേര്തിരിച്ചെന്നും എസ്ഐടി കണ്ടെത്തി.
കോടതിയില് നല്കിയ റിപ്പോര്ട്ടിലാണ് സുപ്രധാന കണ്ടെത്തലുകളുള്ളത് .ശബരിമല ശ്രീകോവില് വാതിലിന്റെ കട്ടിളയില് ഘടിപ്പിച്ചിരുന്ന ദശാവതാരങ്ങള് അലേഖനം ചെയ്തിരിക്കുന്ന രണ്ട് ചെമ്പുപാളികളിലും രാശി ചിഹ്നങ്ങള് അലേഖനം ചെയ്കിരക്കുന്ന രണ്ട് ചെമ്പുപാളികളിലും കട്ടിളയുടെ മുകള്പ്പടി ചെമ്പ് പാളിയിലും കട്ടിളയ്ക്ക് മുകളില് പതിച്ചിട്ടുള്ള ശിവരൂപവും വ്യാളി രൂപമടങ്ങുന്ന പ്രഭാമണ്ഡത്തിലുള്ള സ്വര്ണം പതിച്ച ചെമ്പ് പാളികളിലും പൊതിഞ്ഞിരിക്കുന്ന സ്വര്ണം പതിച്ച ഏഴ് ചെമ്പ് പാളികളില് നിന്നുള്ള സ്വര്ണവും വേര്തിരിച്ചുവെന്നാണ് എസ്ഐടി കണ്ടെത്തല്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.