കുവൈറ്റ് സുരക്ഷാ സേനയുടെ ചരിത്രത്തിൽ പുതിയ അധ്യായം കുറിച്ചുകൊണ്ട് ആദ്യ വനിതാ പൊലീസ് പൈലറ്റിനെ പ്രഖ്യാപിച്ച് ആഭ്യന്തര മന്ത്രാലയം. ഫസ്റ്റ് ലഫ്റ്റനന്റ് ദാന അൽ ഷലീനെയാണ് ഏവിയേഷൻ സയൻസ് പഠനത്തിനായി മന്ത്രാലയം ഔദ്യോഗികമായി തെരഞ്ഞെടുത്തത്. യൂറോപ്യൻ രാജ്യമായ ഗ്രീസിലാകും ദാന അൽ ഷലീന്റെ പൈലറ്റ് പരിശീലനം നടക്കുക. പരിശീലനം വിജയകരമായി പൂർത്തിയാക്കുന്നതോടെ കുവൈറ്റ് ആഭ്യന്തര മന്ത്രാലയത്തിന് കീഴിലുള്ള എയർ വിംഗിൽ പൈലറ്റായി സേവനമനുഷ്ഠിക്കുന്ന ആദ്യ വനിത എന്ന ബഹുമതി ഇവർക്ക് സ്വന്തമാകും.
രാജ്യത്തെ സ്ത്രീ ശാക്തീകരണത്തിന്റെ ഭാഗമായും, സുരക്ഷാ മേഖലകളിൽ വനിതകളുടെ പങ്കാളിത്തം ഉറപ്പാക്കുന്നതിനുമുള്ള മന്ത്രാലയത്തിന്റെ പ്രത്യേക താൽപ്പര്യപ്രകാരമാണ് ഈ സുപ്രധാന തീരുമാനം. ആധുനിക സാങ്കേതിക വിദ്യകളും ആകാശ നിരീക്ഷണ സംവിധാനങ്ങളും ഉപയോഗപ്പെടുത്തി കുവൈറ്റിന്റെ സുരക്ഷ ഉറപ്പാക്കുന്നതിൽ ഇനി മുതൽ വനിതാ സാന്നിധ്യവും നിർണ്ണായകമാകും. ഈ നേട്ടം കുവൈറ്റിലെ ഒട്ടനവധി വനിതകൾക്ക് സുരക്ഷാ സേനയുടെ ഭാഗമാകാൻ വലിയ പ്രചോദനമാകും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.