മുംബൈയ്ക്ക് സമീപമുള്ള മിറ‑ഭയന്ദറിൽ നിർമ്മാണം പൂർത്തിയായ പുതിയ ഫ്ലൈഓവർ പകുതിവഴിയിൽ വെച്ച് നാലുവരിപ്പാതയിൽ നിന്ന് ഇരുവരിലേക്ക് ചുരുങ്ങുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാകുന്നു. ആസൂത്രണത്തിലെ പിഴവാണിതെന്ന ആരോപണവുമായി പ്രതിപക്ഷം രംഗത്തെത്തിയതോടെ സംഭവം വലിയ രാഷ്ട്രീയ വിവാദമായി മാറിയിരിക്കുകയാണ്. ഭോപ്പാലിലെ അശാസ്ത്രീയമായി നിർമ്മിച്ച റെയിൽ ഓവർ ബ്രിഡ്ജിനോടാണ് പലരും ഇതിനെ ഉപമിക്കുന്നത്.
എന്നാൽ, സ്ഥലപരിമിതി മൂലമാണ് ഇത്തരത്തിൽ നിർമ്മിച്ചതെന്നും ഇതൊരു രൂപകല്പനാ പിഴവല്ലെന്നുമാണ് നിർമ്മാതാക്കളായ എംഎംആർഡിഎ നൽകുന്ന വിശദീകരണം. ഭാവിയിൽ ഭയന്ദർ വെസ്റ്റിലേക്കുള്ള പാതയുമായി ബന്ധിപ്പിക്കുമ്പോൾ ഈ പ്രശ്നം പരിഹരിക്കപ്പെടുമെന്നും അവർ അവകാശപ്പെടുന്നു. എന്നാൽ ഈ വിശദീകരണത്തെ പരിഹസിച്ച് ശിവസേന നേതാവ് ആദിത്യ താക്കറെയും കോൺഗ്രസും രംഗത്തെത്തി. ഇത്രയും അശാസ്ത്രീയമായ നിർമ്മാണത്തെ ന്യായീകരിക്കുന്നത് വിഡ്ഢിത്തമാണെന്നും ഇത് ഗതാഗതക്കുരുക്കിനും അപകടങ്ങൾക്കും കാരണമാകുമെന്നും ആദിത്യ താക്കറെ കുറ്റപ്പെടുത്തി.
A 4‑lane flyover in Mira-Bhayandar suddenly narrows into just 2 lanes. This double-decker flyover is a part of the Metro Line 9 project by JKumar and is set to be inaugurated in February.
Is this how @MMRDAOfficial designs “infrastructure”?
How did this design get approved? 🤷🏻 pic.twitter.com/ZNfwi1Yf9W
— Gems of Mira Bhayandar (@GemsOfMBMC) January 26, 2026
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.