വാലന്റൈൻസ് ദിനത്തോടനുബന്ധിച്ച് ഇന്ത്യൻ സിനിമയിലെ എക്കാലത്തെയും മികച്ച മൂന്ന് പ്രണയചിത്രങ്ങൾ വീണ്ടും തിയേറ്ററുകളിലേക്ക് എത്തുന്നു. ഷാരൂഖ് ഖാൻ നായകനായ ‘ദേവദാസ്’, സൽമാൻ ഖാന്റെ ‘തേരേ നാം’, മണിരത്നം ചിത്രം ‘യുവ’ എന്നിവയാണ് ഈ മാസം പിവിആർ ഐനോക്സ് തിയേറ്ററുകളിൽ റീ-റിലീസ് ചെയ്യുന്നത്. ഫെബ്രുവരി ആറിന് ദേവദാസും, ഫെബ്രുവരി 20ന് യുവയും, ഫെബ്രുവരി 27ന് തേരേ നാമും വെള്ളിത്തിരയിൽ പ്രദർശനത്തിനെത്തും.
സഞ്ജയ് ലീല ബൻസാലി സംവിധാനം ചെയ്ത ‘ദേവദാസ്’ 2002ലെ വലിയ ബോക്സ് ഓഫീസ് വിജയമായിരുന്നു. സതീഷ് കൗശിക് ഒരുക്കിയ ‘തേരേ നാം’ സൽമാൻ ഖാന്റെ കരിയറിലെ ഏറ്റവും മികച്ച പ്രകടനങ്ങളിൽ ഒന്നായി ഇന്നും വിലയിരുത്തപ്പെടുന്നു. രാഷ്ട്രീയവും പ്രണയവും കോർത്തിണക്കി മണിരത്നം 2004ൽ പുറത്തിറക്കിയ ‘യുവ’ അതിന്റെ വ്യത്യസ്തമായ ആഖ്യാനശൈലി കൊണ്ടാണ് ശ്രദ്ധിക്കപ്പെട്ടത്. പ്രിയപ്പെട്ട പ്രണയചിത്രങ്ങൾ വലിയ സ്ക്രീനിൽ ഒരിക്കൽ കൂടി ആസ്വദിക്കാനുള്ള അവസരമാണ് ഇതിലൂടെ സിനിമാപ്രേമികൾക്ക് ലഭിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.