അബുദാബിയിലെ എത്തിഹാദ് ടവേഴ്സ് സമുച്ചയത്തിന് നേരെ വന്ന ഡ്രോൺ പ്രതിരോധ സംവിധാനങ്ങൾ ഉപയോഗിച്ച് തകർക്കുന്നതിനിടെ, അവശിഷ്ടങ്ങൾ പതിച്ച് യുവതിക്കും കുട്ടിക്കും പരിക്ക്. കെട്ടിടത്തിന്റെ മുൻഭാഗത്താണ് ഡ്രോൺ അവശിഷ്ടങ്ങൾ വീണതെന്ന് അബുദാബി മീഡിയ ഓഫീസ് അറിയിച്ചു. പരിക്കേറ്റവർക്ക് നിസാര പരിക്കുകൾ മാത്രമാണുള്ളതെന്നും ഇവർക്ക് ആവശ്യമായ ചികിത്സ നൽകിയതായും അധികൃതർ വ്യക്തമാക്കി.
പശ്ചിമേഷ്യയിൽ യുദ്ധം രൂക്ഷമായ പശ്ചാത്തലത്തിൽ ഗൾഫ് രാജ്യങ്ങൾക്ക് നേരെ ഇറാൻ നടത്തുന്ന പ്രത്യാക്രമണങ്ങളുടെ ഭാഗമായാണ് ഡ്രോൺ എത്തിയതെന്നാണ് സൂചന. യുഎഇയുടെ വ്യോമ പ്രതിരോധ സംവിധാനം ഡ്രോണിനെ ആകാശത്തുവെച്ച് തന്നെ വിജയകരമായി തടഞ്ഞുവെങ്കിലും തകർന്ന ഭാഗങ്ങൾ ജനവാസ മേഖലയിൽ വീഴുകയായിരുന്നു. നഗരത്തിൽ സുരക്ഷാ മുൻകരുതലുകൾ ശക്തമാക്കിയതായും ജനങ്ങൾ ജാഗ്രത പാലിക്കണമെന്നും അധികൃതർ നിർദ്ദേശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.