കോഴിക്കോട് പേരാമ്പ്രയിലെ പോക്സോ കേസിലെ പ്രതിയെ ഇനിയും കണ്ടെത്താനായില്ല. പേരാമ്പ്ര നടുവണ്ണ സ്വദേശി അലി കുട്ടി(65) 13 വയസുകാരനെ എട്ട് മാസമാണ് ലൈംഗികമായി ചൂഷണം ചെയ്തുതത്. കേസ് രജിസ്റ്റര് ചെയ്തിട്ട് മൂന്ന് മാസം പിന്നിട്ടിട്ടും ഇതുവരെ പ്രതിയെ പൊലീസിന് കണ്ടെത്താനായിട്ടില്ല.
തന്റെ അയല്വീട്ടില് താമസിച്ചിരുന്ന 13 വയസുകാരനെയാണ് അലിക്കുട്ടി മാസങ്ങളോളം ലൈംഗികമായി ചൂഷണം ചെയ്ത് വന്നത്. പുറത്തുപറഞ്ഞാല് മാതാവിനെ കൊല്ലുമെന്ന് പറഞ്ഞ് കുട്ടിയെ ഇയാള് ഭീഷണിപ്പെടുത്തിയിരുന്നു. പേടിച്ച് കുട്ടി പീഡന വിവരം പുറത്ത് പറഞ്ഞില്ല. കുട്ടി അസ്വാഭാവികമായി പെരുമാറുകയും അകാരണമായി കരയുകയും തലയ്ക്കടിക്കുകയുമൊക്കെ ചെയ്ത് തുടങ്ങിയതോടെ വീട്ടുകാര് കുട്ടിയെ കൗണ്സിലിങിന് കൊണ്ടുപോയി. കൗണ്സിലിങിനിടെയാണ് തനിക്ക് നേരിട്ട അതിക്രമത്തിന്റെ വിവരങ്ങള് കുട്ടി തുറന്നുപറയുന്നത്. കൗണ്സിലിങിന് വിധേയമാക്കിയവര് തന്നെയാണ് പീഡന വിവരം പേരാമ്പ്ര പൊലീസില് അറിയിച്ചത്. ഉടന് തന്നെ പോക്സോ കേസ് രജിസ്റ്റര് ചെയ്യുകയും ചെയ്തു.അയല്വാസിയുടെ പെരുമാറ്റത്തില് തങ്ങള്ക്ക് മുന്പൊന്നും യാതൊരു സംശയവും തോന്നിയിരുന്നില്ലെന്നും സംഭവം കേസായതോടെ അയല്വാസി വീടടച്ച് മുങ്ങിയെന്നാണ് കുട്ടിയുടെ അമ്മ പറയുന്നത്
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.