എം സി റോഡിൽ കുളക്കടയിൽ സ്കൂട്ടറും മിനി ലോറിയും കൂട്ടിയിടിച്ച് ഗൃഹനാഥൻ മരിച്ചു. കോട്ടാത്തല പൗർണമിയിൽ മോഹനൻ പിള്ള(56)യാണ് മരിച്ചത്.
ഇന്ന് രാവിലെ പത്തിന് സ്കൂട്ടറിൽ ഏനാത്ത് ഭാഗത്തേക്ക് പോവുകയായിരുന്നു. പുത്തൂർമുക്കിനും കുളക്കടയ്ക്കും ഇടയിലുള്ള കുളത്തുവയൽ ഭാഗത്തുവച്ച് റോഡിന്റെ മറുവശത്തേക്ക് സ്കൂട്ടറുമായി മറികടക്കുമ്പോഴാണ് എതിർദിശയിൽ നിന്നും വന്ന മിനി ലോറി സ്കൂട്ടറിൽ ഇടിച്ചത്. കുറച്ചുദൂരം മോഹനൻ പിള്ളയെയും വലിച്ചുകൊണ്ട് മുന്നോട്ടുപോയാണ് ലോറി നിന്നത്. സാരമായി പരിക്കേറ്റ ഇദ്ദേഹത്തെ ഉടൻതന്നെ കൊട്ടാരക്കര താലൂക്ക് ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. യുഎഇയിൽ ജോലി ചെയ്തിരുന്ന മോഹനൻ പിള്ള അടുത്തകാലത്ത് ജോലി ഉപേക്ഷിച്ച് നാട്ടിലെത്തിയത്. ഭാര്യ : ബിന്ദു. മക്കൾ : മിഥുൻ (ഇന്ത്യൻ ആർമി), മേഘ. മരുമകൾ : ആര്യ. പുത്തൂർ പൊലീസ് കേസെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.