അയോധ്യ ക്ഷേത്രത്തിനുള്ളില്‍ നാഗസന്യാസിയെ കു ത്തിക്കൊന്നു

അയോധ്യയിലെ ഹനുമാൻഗഡി ക്ഷേത്രത്തിലെ പുരോഹിതൻ കൊല്ലപ്പെട്ടു. ക്ഷേത്രത്തോട് ചേര്‍ന്നുള്ള മുറിയിലാണ് രാം സഹ്രേ ദാസിനെ(44) കഴുത്തറുത്ത് മരിച്ച നിലയില്‍ കണ്ടെത്തിയത്. 

രണ്ട് ശിഷ്യര്‍ക്കൊപ്പമാണ് പൂജാരി താമസിച്ചിരുന്നതെന്ന് പൊലീസ് പറഞ്ഞു. പരിചയമുള്ള ആരോ ആണ് കൊലപാതകത്തിന് പിന്നിലെന്നാണ് പോലീസിന്റെ നിഗമനം.പുരോഹിതന്റെ കൂടെ താമസിച്ചിരുന്ന ഒരാളെ ചോദ്യം ചെയ്തു വരികയാണെന്നും രണ്ടാമനെ കാണാതായെന്നും, കണ്ടെത്താൻ നാല് സംഘങ്ങളെ രൂപീകരിച്ചിട്ടുണ്ടെന്നും പൊലീസ് പറഞ്ഞു.

രാവിലെ ഏഴ് മണിയോടെയാണ് സംഭവത്തെക്കുറിച്ച്‌ പൊലീസ് അറിയുന്നത്. പുരോഹിതൻ പ്രഭാത പ്രാര്‍ത്ഥനയ്ക്ക് എത്താതിരുന്നതിനെ തുടര്‍ന്നുള്ള അന്വേഷണത്തിലാണ് കഴുത്തറുത്ത നിലയില്‍ ദാസിന്റെ മൃതദേഹം കണ്ടെത്തിയത്. മൂര്‍ച്ചയേറിയ ആയുധം ഉപയോഗിച്ചാണ് ദാസിനെ കൊലപ്പെടുത്തിയതെന്നും ആയുധം ഇനിയും കണ്ടെടുക്കാനായില്ലെന്നും പൊലീസ് അറിയിച്ചു. 

Eng­lish Sum­ma­ry: A Naga monk was st abbed to de ath inside the Ayo­d­hya temple

You may also like this video