ഹരിയാന നിയമസഭാ തെരഞ്ഞെടുപ്പില് കോണ്ഗ്രസുമായി സഖ്യമുണ്ടാക്കുന്ന കാര്യത്തില് തീരുമാനമായില്ലെങ്കില് മുഴുവന് സീറ്റുകളിലും സ്ഥാനാര്ത്ഥികളെ പ്രഖ്യാരപിക്കുമെന്ന് ആംആദ്മി പാര്ട്ടി. സഖ്യം സംബന്ധിച്ച് ഇരുപാര്ട്ടികളും ചര്ച്ച നടത്തിയെങ്കിലും ധാരണയില് തീരുമാനമാകാത്ത സാഹചര്യത്തില് സ്ഥാനാര്ഥികളെ വൈകീട്ട് പ്രഖ്യാപിക്കുമെന്ന് ആം ആദ്മി അധ്യക്ഷന് സുശീല് ഗുപ്ത പറഞ്ഞു.
ചര്ച്ചയുടെ സാധ്യതകള് അവസാനിച്ചെന്നും 90 സീറ്റുകളിലെ സ്ഥാനാര്ഥികളെ വൈകീട്ടോടെ പ്രഖ്യാപിക്കുമെന്ന് സുശീല് കുമാര് മാധ്യമങ്ങളോട് പറഞ്ഞു. പാര്ട്ടി ആവശ്യപ്പെട്ടത് പത്തുസീറ്റുകളാണ്. എന്നാല് കോണ്ഗ്രസ് അഞ്ച് സീറ്റ് നല്കാമെന്നാണ് അറിയിച്ചത്. ഇത് അംഗീകരിക്കാനാകില്ലെന്ന് അറിയിച്ചിട്ടുണ്ട്.
കോണ്ഗ്രസിന്റെ പ്രതികരണത്തിനായി കാത്തിരിക്കുകയാണെന്നും സുശീല് ഗുപ്ത പറഞ്ഞു. ഒക്ടോബര് അഞ്ചിനാണ് വോട്ടെടുപ്പ്.നിയമസഭാ തെരഞ്ഞെടുപ്പില് ഹാട്രിക് വിജയമാണ് ബിജെപി ലക്ഷ്യമിടുന്നത്. ഭരണം തിരിച്ചു പിടിക്കാനാകുമെന്ന പ്രതീക്ഷയിലാണ് കോണ്ഗ്രസ്.
ഇക്കഴിഞ്ഞ ലോക്സഭാ തെരഞ്ഞെടുപ്പില് കോണ്ഗ്രസും ബിജെപിയും അഞ്ച് സീറ്റില് വീതമാണ് വിജയിച്ചത്. വോട്ടുശതമാനത്തില് കോണ്ഗ്രസിനായിരുന്നു മുന്തൂക്കം. ഗുസ്തി താരങ്ങളായ വിനേഷ് ഫോഗട്ടും ബജ്റങ് പുനിയയും പാര്ട്ടിയിലെത്തിയത് കോണ്ഗ്രസ് ക്യാംപുകളില് ആവേശം വിതച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.