നഗരസഭ കുതിരപ്പന്തി വാർഡിൽ വീടിനു മുൻവശം പാർക്ക് ചെയ്തിരുന്ന സ്കൂട്ടര്‍ മോഷ്ടിച്ച കേസ്സിലെ പ്രതി കോട്ടയം ഈരാറ്റുപേട്ട മുനിസിപ്പാലിറ്റി ഒന്നാം വാർഡിൽ കൊട്ടയിൽ ഹൗസിൽ ഫുറൂസ് ദിലീഫ് (33) പിടിയിലായി. ആലപ്പുഴ കെ എസ് ആര്‍ ടി സി ബസ് സ്റ്റാന്റിന് കിഴക്ക് വശത്ത് നിന്നും ആലപ്പുഴ സൗത്ത് പോലീസ് സ്റ്റേഷൻ ഇൻസ്പെക്ടർ എസ് അരുണിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
സംഭവ സ്ഥലത്തിനു സമീപമുള്ള സിസിടിവി ദൃശ്യങ്ങളിൽ നിന്നുമാണ് പ്രതിയെക്കുറിച്ചുള്ള വിവരം ലഭിച്ചത്. ഇയാള്‍ ഈരാറ്റുപേട്ട, കൊടുങ്ങല്ലർ, ഞാറയ്ക്കൽ, ആലപ്പുഴ നോർത്ത്, വാഗമൺ, ആലപ്പുഴ സൗത്ത്, കടവന്ത്ര, എറണാകുളം ടൗൺ നോർത്ത് എറണാകുളം ടൗൺ സൗത്ത്, പുനലൂർ എന്നീ പോലീസ് സ്റ്റേഷനുകളിൽ സമാനകേസുകളിലും എന്‍ഡിപിഎസ് കേസുകളിലും പ്രതിയാണ്. കൊടുങ്ങല്ലൂർ, ഞാറയ്ക്കൽ, എറണാകുളം ടൗൺ നോർത്ത്, എറണാകുളം ടൗൺ സൗത്ത്, എന്നീ സ്റ്റേഷനുകളിൽ മുക്കുപണ്ടം പണയം വെച്ച കേസുകളിലെ പ്രതിയും, ഈരാറ്റുപേട്ട പോലീസ് സ്റ്റേഷനിലെ കാപ്പ പ്രതിയുമാണ്. പ്രതിയെ കോടതിയിൽ ഹാജരാക്കി റിമാന്റ് ചെയ്തു.
English Summary: Accused in bike theft case arrested
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.