നിമിഷപ്രിയ വിഷയത്തില് ഇതുവരെ സ്വീകരിച്ച നടപടികള് അറിയിക്കാന് കേന്ദ്രസര്ക്കാരിന് സുപ്രീം കോടതി നിര്ദേശം. നിമിഷപ്രിയയുടെ വധശിക്ഷയില് അടിയന്തര ഇടപെടല് ആവശ്യപ്പെട്ട് സമര്പ്പിക്കപ്പെട്ട ഹര്ജിയില് ഇടപെട്ട് ആയിരുന്നു സുപ്രീം കോടതി നിർദേശം. വധശിക്ഷയുമായി ബന്ധപ്പെട്ട വിഷയത്തില് അടിയന്തര ഇടപെടല് ആവശ്യപ്പെട്ട് ‘നിമിഷപ്രിയ അന്താരാഷ്ട്ര ആക്ഷന് കൗണ്സില്’ ആണ് സുപ്രീം കോടതിയില് ഹര്ജി ഫയല് ചെയ്തത്.
നിമിഷപ്രിയയുടെ വധശിക്ഷ അടുത്തിരിക്കുന്ന സാഹചര്യത്തിലായിരുന്നു ആക്ഷന് കൗണ്സില് സുപ്രീം കോടതിയെ സമീപിച്ചത്. അറ്റോര്ണി ജനറല് വഴി സ്വീകരിച്ച നടപടികള് അറിയിക്കാനാണ് നിര്ദേശം. ഹര്ജിയില് ജൂലൈ പതിനാലിന് വിശദ വാദം കേള്ക്കുമെന്നും സുപ്രീം കോടതി അറിയിച്ചു. ജസ്റ്റിസ് സുധാന്ഷു ധൂലിയ, ജോയ്മല്ല്യ ബാഗ്ച്ചി എന്നിവര് അടങ്ങിയ ഡിവിഷന് ബെഞ്ചാണ് ഇക്കാര്യം അറിയിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.