യാത്രക്കാരനെ കാര് ഇടിച്ച് തെറിപ്പിച്ച സംഭവത്തില് നടൻ ബൈജു, വാഹനം ഉപയോഗിക്കുന്നത് ചട്ടങ്ങളെല്ലാം ലംഘിച്ചെന്ന് റിപ്പോര്ട്ട്. ഗുരുഗ്രാമിലെ സെക്ടര് 49ലെ താമസക്കാരനാണ് ബൈജുവെന്നാണ് വിലാസത്തിലുള്ളത്. പരിവാഹന് വെബ്സൈറ്റ് അനുസരിച്ച് കാറിന്റെ ആര്സി രേഖയില് കാണിച്ചിരിക്കുന്ന ബൈജുവിന്റെ വിലാസം ഹരിയാനയിലേതാണ്. ഹരിയാനയിലെ കാര് കേരളത്തില് ഓടിക്കാന് ഹരിയാന വാഹനവകുപ്പിന്റെ എന്ഒസി വേണം. വാഹനം എത്തിച്ച് 30 ദിവസത്തില് ഹാജരാകേണ്ട എന്ഒസി ഇതുവരെ നല്കിയിട്ടില്ലെന്നും കേരളത്തില് എത്തിച്ചാല് അടയ്ക്കേണ്ട റോഡ് നികുതി അടച്ചിട്ടില്ലെന്നുമാണ് വിവരം.
കഴിഞ്ഞ ദിവസം അര്ധരാത്രി തിരുവനന്തപുരം വെളളയമ്പലത്താണ് ബൈജുവിന്റെ കാര് അപകടത്തില്പ്പെട്ടത്. മദ്യപിച്ച് വാഹനമോടിച്ച ബൈജുവിന്റെ കാര് സ്കൂട്ടര് യാത്രക്കാരനെ ഇടിച്ചുതെറിപ്പിക്കുകയായിരുന്നു. രക്തപരിശോധനയ്ക്ക് ബൈജു വിസമ്മതിച്ചെങ്കിലും മദ്യത്തിന്റെ മണമുണ്ടെന്ന് ഡോക്ടര് റിപ്പോര്ട്ട് നല്കി . ഒപ്പമുണ്ടായിരുന്ന യുവതി മകളെന്നാണ് ആദ്യം ലഭിച്ച വിവരമെങ്കിലും ഇക്കാര്യം നിഷേധിച്ച മകള് ബന്ധുവാണ് കൂടെയുണ്ടായിരുന്നതെന്നും സാമൂഹിക മാധ്യമത്തില് കുറിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.